調配物業作全職媽媽(問)

(首電郵)諗樣兄你好! 

 

希望有幸得到諗樣兄指點,感激感激! 
是咁的,我同老公今年都是33年歲,啱啱結婚,準備今年生小朋友,現在為點樣調配物業而傷腦筋中。 
我自己月入30K,老公月入18K。我同老公聯名在荃灣西自住3房單位,欠樓按1.45M,現樓價4.5M,每月還樓按6.3K,分25年還,借款人是老公我是擔保人。 另外我自己名下有一港島南物業,兩年後會有地鐵出口正正在樓下,欠樓按2.2M(分兩條數各1M左右,分25年及30年還),現樓價6M,有租金收入14K,正當打晒stamp 有報CR109,每月共還樓按12K。另外我及媽媽聯名在西九龍有一單橦樓,已供完,現價3M,此單位爸爸及媽媽同住。 
有感而家樓價咁高,我想沽左港島物業買諗樣兄之前講過的澳元債券收息,是否明智? 
其實我本人無insur (無insur 公司受保,我靠自己),每月儲緊3K saving買基金,而家都有100K saving (不過唔郁得係當退休金)。 
我應唔應該沽左港島物業(套現約4M),再加按荃灣西物業(套現約1.7M),再搵高一啲回報嘅投資機會呢? 咁一來又可以鎖定利潤,二來又可以搵多啲,因為我想唔做野做全職媽媽。 
另外,我爸爸媽媽住緊果層,諗樣兄是否建議加按? cash 左啲錢出黎要買債券,咁爸爸媽媽每個月都有多少少錢洗,因為佢兩老已經退休亦無保險同儲蓄,零收入,靠我同細妹s 供養。 
敬請諗樣兄賜教,謝謝你!! 
bear bear 

 

(次電郵)諗樣兄你好,

諗樣兄,發現提供漏了一些資料….港島物業是兩房,三月需要renew 租約了….因為港島單位租約到期關係,我已經續了租約,都是14K pm。 

另外荃灣物業是三房,近西鐵站。

 

其實我一直都有放盤試水,agent 話有投資客連租約出6.1m 買我個單位,另外在薄扶林置富花園有一個4.6m 建築518尺連租約單位放售。 
諗樣兄,我應否換馬?? 賣左樓收6.1m,我收番3.9m,無mortage 在身。荃灣西物業我只是mortage擔保人不是借款人,我可否將層樓個名轉晒俾我先生?? 而西九龍物業已經供完,我應該都可以除名,現在我想出租此單位,咁爸爸媽媽同我地同住(荃灣西物業有三房) ,又可以收下租。西九龍物業是單橦樓,建築550尺,有兩房,叫到8-9K 租PM。 
咁我就可以用個人名義買置富,5成上會再放租,再用2.3m + 新樓舊樓轉名手續費,我仲有錢可以做流動資金,此舉是否可行? 

 

敬請諗樣兄指點指點,謝謝您!

 

 

按此看答案>>>>按此看答案


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室