>>按此看問題>>>按此看問題
Michael只在社會打滾了幾年，在big4任職會計仔。年輕「擁有」一間樓加上手持1.6mil現金，算是幾叻仔了。Michael冇提供如何年紀輕輕就儲到1.6mil現金，相信是由自住樓套出來的。讀到此處不少讀者會諗「咪又係靠間樓」! 就連筆者自己都想時下大部份後生仔唔靠間樓套現係冇咩可能廿來歲儲到百幾萬的，此亦是最令人黯然之地方。當然亦有不少唔靠間樓都可賺到第一桶金之年青人，你可看筆者之網友龔成之新書，參考一番。
Michael有1.6mil現金，一半放係澳元債券基金，由文所看michael兄頗為擔心，擔心債市資金抽走去股市。但由三月尾市況一看，港股如用市盈率量度不在高估價，加想塞浦路斯「捱」到三月最後一日，亦係復活節長假前先重開銀行，筆者估計可能想等埋歐美各個市場季結，然後再用假期沖淡壞消息。首先組合過份偏向債券及現金，承受太低風險。睇到呢度你可能會感意外，心諗風險唔係越低越好嗎? 又或想筆錢如果真係由樓套出來，何不穩陣為先，唔好做有風險之投資。
其實過份保守亦令人承受風險。尤其收入有限者，亦即大部份人。假設你收入長期維持在三萬餘元，你由26歲至56歲，為求令筆者易計，你又易明，你的「黃金三十年」總收入共$30000*360=$10,800,000。當然你唔係由廿六歲先開始做野，亦未必五十六歲退休。但按照香港情況，能在廿六歲月入提升至$30000，到四十歲都未比人裁，而人工能維持不減(是的，唔減已偷笑。加人工好耐無聽見，有都係一千幾百!)，算是不錯了。咁即係你成世人夾埋先搵一千萬，筆者有冇講錯呢??
一千萬之分配，有一半時是在供樓上。當然有人是選擇租樓的，但以筆者觀察係香港社會裸身租樓既，多數不是自願︿又係屬好有錢一群。作為一個窮中產，有間未供完既樓係手，是該階層之身份象徵。咁點解有一半錢花在供樓上呢? 如你九成上會買入3.6MIL樓宇，在現時息口分30年還，都要比利息1.368mil，假如30年之平均息口再上升至3.5%，你所付利息為2.0mil! 所以成條數計埋，基本上你有近5.0mil花於樓房上、換來只是三百餘萬之蝸居。剩低既一半錢，要用黎做咩呢? 結婚擺酒生仔醫病，筆者又再假設你可將剩低既錢每月可儲起一半，(10.8mil-5.0mil)/2，即係到56歲有2.9mil之積蓄。如果你「好彩」有76歲命，你每月可用2.9mil/240個月=$12000。「唔好彩」有90歲命真大鑊，仲要你最好一病即死，唔好花左百幾萬醫然後都係「攪唔掂」。當然筆者都好想老有所依，個仔比些少家用啦! 但睇完仔都會劈死老豆單新聞外，都唔敢諗依靠呢一項。況且近日筆者正在面談之個案，都係老弄加按層樓比個仔，所以你要預臨老仲要比你既心肝寶貝，「提」多一劑。
每月$12000使用費著實唔錯，但此為30年後的$12000，可以買到幾多包米真係無人知。大家現在可以做既係:
1. 趁後生開始踏實理財，了解多些不同投資產品
2. 避免理財陷井
3. 利用時間成為你理財的幫力
4. 要留有一手、捕捉突發機會可助你改變一生
上述四點睇落簡單，做到既又有幾個呢? michael問題未答完，下篇再續。
>>>>到下篇>>>>按此到下篇
