塞浦路斯國會將向存款徵稅3-12%不等。諗樣正觀望小國會否釀成大風波，像二戰時奧地利一樣。今次歐盟同俄國選在塞浦路斯玩鋪show hand，希望唔好一時錯手，令金融世界混亂非常。俄國人慣在塞國存款，一大筆「黑錢」收埋在該國，「黑錢」由來是因為俄人賣油賺取金錢，固取石油顏色命名該些所得為「黑錢」，別無他意。歐盟想拉攏塞浦路斯這個盟友，希望停止俄國在石油賺到所得，由塞國入侵歐盟金融系統，令俄羅斯不能再依靠這條「金錢通道」，逐漸加強在歐洲中部之影響力。
筆者在前文「羊年入市準則」都提及，世界發展似乎有個循環。先是強國入侵他國，奪取天然資源。當弱國得其他「好心人」幫助，企穩陣腳，慢慢賣金賣油累積實力，終會一日試圖向強國挑戰，取代其大國地位。兩伊戰爭、911都係咁黎。俄國不斷把大學生放到歐洲中部留學，又買波又買屋比錢歐洲鬼洗，肯定等緊某一日。問題係俄人之強勢總統，選取那一天發圍。但今次先見到既係德國將事放上台面，先推籌碼「挑機」。
塞浦路斯又冇紅酒又冇白松露，就當比核彈夷平相信港人不會關注。問題係存款稅消息出之前一星期，已有10%存款由塞浦路斯流走。一旦徵稅落實，骨牌效應定會令意大利、西班牙存款大流失。意大利有人已計好數、將全國銀行存款「只要」徵收25%，咩問題都可暫得解決。銀行存款不是說提就提的，基本上銀行只會準備總存款的15%或更少，比存戶作提取。一旦出現擠提，之前借出貸款亦要call-loan，公司失去融資渠道，生意都唔使做。講到呢度讀者可能會諗，call-loan會唔會call到香港呢?
相信十年八年冇此危險，但歐洲一事很可能會令電子貨幣使用量大幅增加，和真實貨幣之使用比率會大幅上升。電子貨幣係咩? 淘幣(點)用過冇? 當然歐洲現時最成熟者為bitcoin，用處比淘點更多，但兩者均未受政府承認。香港有不少罪案都是和淘點有關的，例如不法交易試過用淘點找數，好處是淘點開戶不像你銀行開戶般要對身份證或真人辦理的，上述乃電子貨幣需要再改善的地方。姑勿論改唔改好，世人對真實貨幣之信賴相信會日漸降低，外國更有人報價，稱可用bitcoin買入手上房屋。
美金自1971年脫離金本位後，經40年多之搬弄後令人知道貨幣系統有失效之一天，究竟有何會取代現有貨幣系統? 電子貨幣可能會佔去部份份額。既然大家已花生活中的五分一或更多對住部電腦，將你既身家財產放埋去，也不是過份吧!
