【股海崢嶸】潘家榮(Kevin Sir)大市短評 (2017/05/10)

 

 

25000仲追唔追?
相信呢一刻好多人都會有呢個問題,而我自己就身體力行追左。

 

 

正如我之前寫既文章,個市chok左咁耐,始終都會行一邊,所以要做好兩手準備,國期上得返10200就代表好,期指失守24200就代表差,而呢一刻國期就已經上返10200之上,無理由明明個市升緊,就隔硬揾啲野去睇淡,股票市場第一大忌就係逆市而行。

 

 

可能你見升得咁急,畏高,希望等低啲先買,但係如果個市真係一支箭咁升又點算呢?結果可能等極都等唔到,白白睇住佢升。況且,等左咁耐終於突破,如果話咁易又跌返落黎俾你買,都唔會係一件好事,所以等低啲買只會令你升得靚既就買唔到,假突破跌返落黎既就一定買到,點睇都唔著數。

 

 

當然,無人可以保證係咪100%一定會升,如果追錯左點算?所以買股票幾時都要定好止蝕位,如果你搵到隻強勢股,而止蝕又夠近既,就可以搏。

 

 







【股海崢嶸】潘家榮(Kevin Sir)大市短評 (2017/05/10)


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室