【股海崢嶸】潘家榮(Kevin Sir)大市短評 (2017/05/09)

 

 

好多人初初接觸技術分析,都好鍾意拎坊間既技術分析大全黎讀,學乜野陰陽燭,咩曙光初現就代表利好、射擊之星就代表利淡等等,跟住再學埋RSI頂背馳、底背馳、波浪理論…..以為只要熟讀晒咁多款pattern既名稱、唔同既技術指標,就可以喺市場上呼風喚雨,知道晒市場未來走勢點走。

 

 

無錯,勤力係好既,但係大家有無諗過呢啲大部份人都講既技術指標係咪真係work呢?究竟你有無認真研究過呢啲方法係咪可信?如果你無研究過,人地講出呢個指標就代表跌,果個就代表升,會唔會只係人云亦云?而如果果個方法跟本唔work,但係你又好努力咁學甚至用,會唔會係浪費左自己時間之餘,亦累到自己輸錢?

 

 

就以RSI背馳為例,坊間成日都教,做到RSI頂背馳,即係股價一頂高於一頂,但係RSI跟唔到,一頂低於一頂,就係一個利淡既訊號,代表好快要跌。無錯,好多時當股價真係要跌時,你可能會見到頂背馳既訊號,但係個問題係,呢個世界有兩頂背馳、三頂背馳……..五、六頂背馳,甚至更多,咁你又跟邊個呢?

 


會唔會你以為三頂背馳已經好差,走晒啲貨,但係最終一路背馳一路升,而你只有得個望字?

 

 

而且,睇返第二張騰訊幅圖,佢上年都出現三頂背馳,如果你當時走左,但係之後RSI又突破返高位,咁果時又點做呢?

 

 

所以,答返之前有人問既問題,而家大市係咪頂背馳?係,但係唔代表啲乜。

 

 







【股海崢嶸】潘家榮(Kevin Sir)大市短評 (2017/05/09)


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室