【股海崢嶸】潘家榮(Kevin Sir)大市短評 (2017/05/05)

 

風高浪急,尋日你地留言想睇既topic今日就唔寫住喇,都係寫返個市先,最緊要而家點做。

 

 

期指好淡分界線喺24200,而家雖然都仲係高過呢個水平大約百幾點(註:
記住係睇期指,唔係睇恒指),不過大家見到今朝我呢隻又話要走,果隻又話要走,證明個市唔係真係咁好,所以要有心理準備個市會失守呢個位,再加上如果睇埋國期既好淡分界線,而家喺10200水平,其實已經失守左,所以呢一刻點都係以守為主,唔準備金加任何股票住。有朋友問我沽左貨點算好,其實揸住現金都好丫,唔一定係都要揾啲野去買架?

 

 

好喇,咁如果期指一路都無失守好淡分界線,咩時候可以攻返?首先見到啲股好返先,而且最好連國期都上得返10200之上,先至可以安心返啲。

 

 

而家減吓減吓,倉位淨返三隻股,而喺呢度就講過其中兩隻,分別係460同埋700。佢地仲係好靚,我唔會貿貿然走左佢地,呢個唔係我平時教開既野,而始終我都擔心個市,所以我會定一個好近既止賺位,詳情可以參考返幅圖,跌穿我會減半。當然,定得個位咁近,易走左,但係亦都有機會走錯左,不過如果唔係咁定的話,可能要再跌多啲先有得減貨,所以咁樣選擇,大不了真係咁強升返上去既,先至追返果半。

 

 

筆者為證監會持牌人,其全權委託帳戶的客戶持有四環(460)、騰訊(700)。

 

 

 







【股海崢嶸】潘家榮(Kevin Sir)大市短評 (2017/05/05)


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室