【股海崢嶸】潘家榮(Kevin Sir)大市短評 (2017/04/11)

同上星期五一樣,個市今朝突然間急跌左落黎,而今次跌既主要罪魁禍首係北韓發警告話一旦局勢進一步升級已經準備好開戰。

可能你聽完之後,覺得金仔都係靠嚇,北韓邊有能力同美國打,所以認為個市都只係跌一跌,轉個頭就會升返,所以而家應該趁跌落黎買貨。不過當事件一直喺度發酵,而所有人都大安旨意唔認為會有事既時候,一旦出事,就會好易發生人踩人事件。

要知道個市要升就會升,要跌就會跌,唔會因為北韓轉頭縮沙,就即刻等於個市一定唔跌。我地應該跟市場既步伐,而唔係亂咁估局勢會唔會進一步升溫,咁樣好容易會低估左跌勢。

上星期五跌一跌穿24000即刻升返上去,隔多兩日,驚你上唔切車,又跌返落黎等你買,會唔會真係咁著數呀?

都係果句,而家喺好淡分界線之下,大家小心啦。

【股海崢嶸】潘家榮(Kevin Sir)大市短評 (2017/04/11)







本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室