【股海崢嶸】潘家榮(Kevin Sir)大市短評 (2017/04/06)

尋日淋一淋大家冷水,叫大家唔好太過興奮,但係喺出完post果一個鐘,個市即刻由低位抽左二百點上黎,係威係勢咁,但係去到今日咪又係要跌返,所以一向都話即市走勢唔駛太過認真。

呢一刻又慢慢彈返上24300呢啲水平,距離24400唔係相差好遠,但係整體感覺上,個股表現差左好多,所以大家唔好淨係諗有啲咩股買,而係應該提高警覺,留意返自己個倉既風險仲好。都係果句,要攻的話,等個市企得返上24400之上先算啦。

尋日有朋友留言問,尋日成交有成千億,係咪等於個市會升?其實我過往都曾經講過,咩升市要配合成交、大成交下跌就好大獲,呢啲平時大家成日聽到既說話,係好錯誤既一個概念。

試諗諗,乜野係成交?做得一單成交,首先要有人買,亦都要有人沽,所以如果你話升市有好大成交,即係等於好多人買的話,另一邊箱,亦代表有人沽左好大額既貨出黎。而如果個市升得上高位,你身邊之前唔係幾夠貨既朋友都爭住搵股票買既時候,你就要諗下究竟係邊個沽貨俾佢地?

喺呢個弱肉強食既股票市場入面,千析唔好人地講咩就信咩。要知道市場上大部份既人都係輸錢,你仲係咪要選擇同其他人信同一樣既野?

【股海崢嶸】潘家榮(Kevin Sir)大市短評 (2017/04/06)







本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室