^^【期權教室】莫家強短評 (2017/04/25)

 

#期權短評

呢啲市況做淡倉,上堂教過,竅門係要做到個市升都可以有少少錢賺,咁你先會keep住一直做。如果唔係,個市一唔跌就輸錢,相信玩得一兩個月,好多人都唔會再堅持落去,咁樣好難可以喺高位捕捉得到個跌勢。

 

我自己都係用緊呢個方法去玩。我望既係有朝一日恒指跌返去22000點左右,我會賺到一筆非常可觀既回報。

 

但係之前有朋友都講過:「咁如果個市一直升,咁你咪賺少好多囉?」

 

係架。雖然我覺得個市唔會升得去邊,但我都有機會估錯。所以我有時都會買返少少「保險」。其中一個方法,係用賺返黎既錢做好長期既Debit Call Spread。

 

例如以附圖既數字,買入9月25800 Call,同時沽出26600 Call,輸最多輸106點,贏就可以贏694點。如果兩邊都係做一套大權,唔計使費,成本就係$5300,最大回報就係$34700。

 

如果呢少少蚊可以令大家既心態更穩,更安心咁等待跌勢既話,值得做既。

 

風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。







本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室