【 #期權短評】
我成日都講，讀者入面大把高手，有人今朝高位LP，呢一刻已經賺一倍以上。
上星期六聚會，我同啲大家講過，港股我就一定係中長線睇淡架喇，方法都教咗大家。港股既弱，係顯然而見。而我最大既擔憂係美股牛三。假如美股真係大升特升，港股點都要跟。
不過，今早美股杜指期貨升咗成兩百點，但港股都仲係無乜力，我就知暫時擔心都係多餘。所以，我自己都加咗少少淡倉。如果可以既話，大家今次可以貪心少少，博個市大跌。聽日再講。
另外，星期六分享咗一啲揀股心得。記住，要睇一隻股票係唔係好股，係用投資者既角度去睇。咁即係點？例如，一啲公司，經常出錯但歉都唔使道，又唔使睇客戶面色既，大家可能會覺得係衰公司，但呢樣嘢正正係作為好股既其中一個好重要條件。
美國既聯合航空不在此列。香港有一隻股，成日壞車，如果有得跌，值得趁低吸納。
風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。