^^【期俠語錄】莫家強一週短評 (2017/03/26)

【 #期權短評】

咳過唔停，今日請假喺屋企休息，跟市未必大貼。

之前講既下跌裂口，仍然有可能補埋。不過，之後唔好心急，指數有機會升多少少先跌。大家可以吼恒指24600點至24800點先部署淡倉。

不過，補多一句，最好既情況係開市無耐就升到，根據過去經驗，成功率會再高啲。假如個市真係咁勁，今日就到24800點都可以試做，但最好可以睇埋下星期一。

最後，記住要用有限風險既策略，計好注碼先入市，預咗無止蝕位。之前有人問過，唔解唔set止蝕？

有止蝕位，就有機會俾人挾走，中咗止蝕先跌。以策略本身設計黎代替止蝕，係做「逆勢」策略既一個小技巧，一方面錯咗都唔怕輸死，另一方面唔會俾人震走，贏面先會高。

 

 

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

 

---

---

 

【 #期權短評】

今日長話短說，早啲出post。

最主要想講兩樣嘢。第一，裂口；第二，造淡時機。

之前上個堂既朋友會詳細知道點解同點做，呢度簡單講少少。

個市上返去，短期內有機會補埋個裂口，即係恒指會升返上去24500點以上少少。裂口呢家嘢，一係唔補，但當一開始補通常都會補埋。因為，裂口本身既阻力好細。真正大阻力既位係裂口以上既位置，即係24600點至24900點左右。

最好係恒指升到以上提及既位置，等一日開市無耐高開，就用有限風險既策略睇淡，咁做既成功率會高好多。

 

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

---

---

 

【 #期權短評】

之前講過，一支「上升裂口大陽燭」可以令一啲之前無貨，甚至係睇淡既投資者改變睇法，入市高追股票。同樣地，一個下跌裂口，或者係一支大陰燭，都可以令一啲高追咗股票既人開始質疑自己既決定。

今日，暫時出緊下跌裂口。當然未到收市，都未知個裂口會唔會維持到。但簡單黎講，有裂口，後市會比較難再次上升。

聽過有前輩講，睇圖就係睇人既心理，同大戶散戶既角力。識睇圖，就會幫到掌握市況。呢方面其實幾好玩，有機會再同大家分享多啲。

講返策略。今日恒指如果可以升返上去，補返無裂口，我會做返Long Call，但當然機會唔大。相反，維持下跌裂口既話，就暫時繼續睇淡，直至有見底訊號再算，到時再update大家。

 

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

---

---

 

【 #期權短評】

分享一吓其中一樣我觀察緊既嘢。

呢幅係過去三年波幅指數圖。上過高班既朋友會就明白我想講乜。呢一刻，我係等緊個波幅指數俾我signal我，話俾我知往後應該點樣做。

如果波幅指數升返上去，就會更有利我哋做「收息」既策略，到時就唔係每個月賺一萬幾千咁少。相反，波幅指數再跌既話，就做另一邊既部署。

有興趣既朋友都可以研究吓，A係世界盃，B係大時代。

 

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

---

---

 

【 #期權短評】

策略方面，暫時都無太多update。

簡單黎講，如果個市繼續升，我一個月點都會賺到幾千蚊。但係，我最希望既係個市可以見頂回落，假如5、6月恒指跌返落去22000點左右，到時利潤可以有幾十萬以上。呢個就係我呢個「淡友」部署緊既策略。

個市會唔會再升，我唔肯定。但係我知道如果我用普通既方法睇淡，個市一直升我要一直輸錢既話，好快我就會失到耐性、膽量，被迫止蝕離場。

相反，只要我可以做到升市都有錢賺，咁樣我就唔會咁怕個市繼續升，心理壓力會細好多，要挨到個市跌既機會都會更高。呢個就係我鍾意做期權既其中一個最大原因。

另外，同過幾個朋友傾計，大家對後市既睇法都唔一樣。有人睇淡，有人睇好。而睇好既朋友，又有唔同程度；有人睇升埋3月就跌，有人睇大升特升。

大家啲睇法太唔同，FB好難一次過講。咁啦，有需要就揾我，我再個別俾個人睇法大家。

 

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

---

---

 

【 #期權短評】

睇完我寫既嘢，有朋友都笑我：「其實你都幾淡友底。」

但係依家既情況就係，個表象好到連我呢個「淡友」都唔敢造淡，或者咁樣就係危險既地方。

剛才趁期指跌咗幾十點，我都執咗吓個倉。簡單黎講，係將個倉執返好少少，變返做「輕微」睇好，升會有少少錢賺；慢跌2000點以上既話，就大賺。

「係，升你都會有錢賺，但如果真係牛市你會賺少好多囉。」

老實講，呢一刻我覺得唔似。但如果到時真係黎牛市三期，仲要係勁牛，雞犬皆升，高位買貨過夜我就唔會架喇，但唔過夜玩窩輪、股票期權Long Call都已經可以賺好多錢。不過，真係到果刻先算啦。

暫時，恒指升緊78點。成交方面，11點鐘已經4百幾億，價量配合架喎。但係匯控唔升，建行唔升，工行唔升，中行唔升，港交所唔升，上升股票669隻，下跌745隻，加上恒指呢個高度，我自己對個市有好大戒心。

 

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

 

---

---

 

Live 講既上年9月走勢。挾完gap down，反彈再gap down，再反彈再gap down，三連擊。個市未必今次都跟足咁行，但根據呢兩日既玩法，大戶係有心陰我哋，萬事小心。

 

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

---

---

 

今日大升市，有貨或無貨如何操作？

莫家強【講座2017/04】OP15│【期權初哥聚會 】
( 新生優先留座，舊生亦可參與）
時　間： 2017年04月6日(四) [19:30-21:00]
地　址：尖沙咀金巴利道35號-金巴利中心13樓03室
報名:
按下LINK填表：留「1名稱」「2電話」「3電郵」「4課程編號=OP15」
http://bit.ly/2etwFfI

(費用全免。需預先報名留位)

詳細內容包括：
旨在將期權由唔曉講到你明。我們會分享利用期權，
如何減低投資資金成本?
如何令投資風險變得有限?
怎去得知期權報價? 市場秩序運作如何?
怎樣用期權捕捉跌市下的風險?
揀選甚麼類別的期權贏錢機會最大？

 

---

---

 

個市好勁，有朋友問：「仲會唔會再升？」

老實講，暫時我唔識睇。所以呢一個post，我唔想講太多方向，想將重點放喺心態上面。

我啱啱做咗一樣嘢，買咗張Put睇淡，試吓自己心態。之後，俾個市chok咗幾吓，我發覺我唔係好夠膽坐落去。最後132點買，137點沽，一張大權，未計使費，賺$250。

有朋友會覺得我好彩走咗，否則依家應該要輸錢。但我既重點係，受住個市既氣氛影響，我根本就未ready可以做淡。就算係有限風險，我都未夠膽。唔夠膽睇大跌，就唔好做Long Put。

事實上，如果你要我估，兩個星期之後，恒指係升定係跌，我會估係跌。但因為我既心態未ready，入市造淡會好易被人chok走，就算最後估中方向都會輸。所以，我自己暫時會選擇靠邊站。

同樣道理，如果大家呢一刻係想睇好，我會問你，你既心態ready 未？假如恒指未來幾日跌返400點，你會繼續坐定會止蝕？

心態準備好，呢一刻引伸波幅超低，Long Call、Long Put都好抵做。否則，我認為最好攪好心態先入市。

 

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。