^^【期俠語錄】莫家強期權短評 (2017/03/18 )

由 Alex Mok 發佈 · 昨天 11:19 ·

【 #期權短評】
睇完我寫既嘢，有朋友都笑我：「其實你都幾淡友底。」
但係依家既情況就係，個表象好到連我呢個「淡友」都唔敢造淡，或者咁樣就係危險既地方。
剛才趁期指跌咗幾十點，我都執咗吓個倉。簡單黎講，係將個倉執返好少少，變返做「輕微」睇好，升會有少少錢賺；慢跌2000點以上既話，就大賺。
「係，升你都會有錢賺，但如果真係牛市你會賺少好多囉。」
老實講，呢一刻我覺得唔似。但如果到時真係黎牛市三期，仲要係勁牛，雞犬皆升，高位買貨過夜我就唔會架喇，但唔過夜玩窩輪、股票期權Long Call都已經可以賺好多錢。不過，真係到果刻先算啦。
暫時，恒指升緊78點。成交方面，11點鐘已經4百幾億，價量配合架喎。但係匯控唔升，建行唔升，工行唔升，中行唔升，港交所唔升，上升股票669隻，下跌745隻，加上恒指呢個高度，我自己對個市有好大戒心。

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

---

---

智取期權 – Alex Mok
由 Alex Mok 發佈 · 3月16日 19:27 ·

Live 講既上年9月走勢。挾完gap down，反彈再gap down，再反彈再gap down，三連擊。個市未必今次都跟足咁行，但根據呢兩日既玩法，大戶係有心陰我哋，萬事小心。

 

---

---

 

由 Yuki Yuen 發佈 · 3月16日 19:07 ·

今日大升市，有貨或無貨如何操作？
莫家強【講座2017/04】OP15│【期權初哥聚會 】
( 新生優先留座，舊生亦可參與）
時　間： 2017年04月6日(四) [19:30-21:00]
地　址：尖沙咀金巴利道35號-金巴利中心13樓03室
報名:
按下LINK填表：留「1名稱」「2電話」「3電郵」「4課程編號=OP15」
http://bit.ly/2etwFfI
(費用全免。需預先報名留位)
詳細內容包括：
旨在將期權由唔曉講到你明。我們會分享利用期權，
如何減低投資資金成本?
如何令投資風險變得有限?
怎去得知期權報價? 市場秩序運作如何?
怎樣用期權捕捉跌市下的風險?
揀選甚麼類別的期權贏錢機會最大？

 

---

---

 

由 Alex Mok 發佈 · 3月16日 15:55 ·

個市好勁，有朋友問：「仲會唔會再升？」
老實講，暫時我唔識睇。所以呢一個post，我唔想講太多方向，想將重點放喺心態上面。
我啱啱做咗一樣嘢，買咗張Put睇淡，試吓自己心態。之後，俾個市chok咗幾吓，我發覺我唔係好夠膽坐落去。最後132點買，137點沽，一張大權，未計使費，賺$250。
有朋友會覺得我好彩走咗，否則依家應該要輸錢。但我既重點係，受住個市既氣氛影響，我根本就未ready可以做淡。就算係有限風險，我都未夠膽。唔夠膽睇大跌，就唔好做Long Put。
事實上，如果你要我估，兩個星期之後，恒指係升定係跌，我會估係跌。但因為我既心態未ready，入市造淡會好易被人chok走，就算最後估中方向都會輸。所以，我自己暫時會選擇靠邊站。
同樣道理，如果大家呢一刻係想睇好，我會問你，你既心態ready 未？假如恒指未來幾日跌返400點，你會繼續坐定會止蝕？
心態準備好，呢一刻引伸波幅超低，Long Call、Long Put都好抵做。否則，我認為最好攪好心態先入市。

 

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

---

---

 

由 Alex Mok 發佈 · 3月16日 11:23 ·

【 #期權短評】
開市果陣勁忙，要幫大家走Long Call。之前個alert，無時間解釋原因，依家詳細講。
早幾日話要等恒指升穿24217先走，今日其實未到，但點解都食咗糊先呢？
最主要原因，係有機會出上升裂口大陽燭。如果大家記得我講過，呢樣唔係好嘢。一出呢個形態，個市睇落會好似好勁，投資氣氛會升温，淡友會投降，未買貨既人會追貨，但根據過往經驗，之後個市通常都唔會升得去邊。
上堂既時候，我成日都強調，Long Call係博個市會大升既時候做。咁又通常都會有朋友問，Long Call要點樣食糊？我就會叫佢哋問返自己，個市會唔會仲有得大升先？
呢一刻，我覺得個市已經差唔多。所以，既然又有得賺，又覺得大市已經無得大升，無謂諗，食咗先講。
今朝cap既圖，24200 Call 升到374點，同星期一比較，3日賺咗56%都算唔錯。
至於後市點做，俾我觀察多陣再update大家。

 

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

---

---

 

由 Alex Mok 發佈 · 3月15日 10:48 ·

【 #期權短評】
上堂既時候講過，同樣係買升，但「趁低吸納」同「高追升勢」，策略上要有唔同處理。
如果大市喺低位見底回升，估值又唔高，我會叫呢啲情況做「價平有勢」，睇升既話，買股、揸期指、Long Call樣樣都可以做。
但係，假如大市仲喺高位，價唔平，睇升就變咗係純粹追勢，喺「有勢無價」既情況下，揀策略就要比較嚴謹。
首先，唔使我多講，大家都知道買股票、揸期指，如果買得多，唔止蝕既後果可以非常嚴重。但係定止蝕，定得近，今朝咁跌法又走唔走先？唔走既話，如果個市再跌又幾時走呢？走完，咁個市升返，又追唔追呢？
高位用錯策略追勢，一旦個市唔就，情況就會變得好複雜。
相反，早兩日講過既24200 Long Call，可以睇到4月尾，總之到時期指可以升到24500點以上，就一定有錢賺。最多輸幾多，一早就預算好，無論個市跌得幾慘，都唔會輸多過預算既數，咁我哋就無後顧之憂，心情都會輕鬆好多。而且，亦可以減低俾大戶震倉震走既機會。
至於個市，希望恒指可以升返上去唔使出裂口，咁樣高位阻力就會少啲，要再升都容易啲。至於跌返落去又點樣處理，聽日講。

 

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

---

---

 

由 Alex Mok 發佈 · 3月14日 11:14 ·

【 #期權短評】
策略方面無太多update。我自己個倉有賺時間值既部分，又有Long Call，暫時都係繼續睇升。
反而我想俾個tool大家，用黎睇加息既機會率。對於我吔個人投資者黎講，用呢個網站會簡單方便好多，好過要自己揾利率期貨睇。
http://www.cmegroup.com/…/interest-r…/countdown-to-fomc.html
先睇3月15號，現有息率係50-75 bps。Bps就係我哋成日聽到既「點子」。
維持現息既機會只有4.8%；相反加25點子，去到75-100 bps 既機會就有95.2%。基本上係加梗。
至於我哋成日聽到17年要加幾多次息，就可以睇12月13號既數字。
17年加2次息既機會暫時有27.6%；加3次息既機會有36.4%；加4次息既機會就有21.4%。而加1次就唔再加既機會就只有8.1%。
有呢啲數字，除咗幫到估市之外，對預算供樓金額都有幫助。

風險聲明：筆者為證監會持牌人。以上內容屬筆者個人意見，不構成投資建議，並不代表本網站意見。投資者於投資前必須充分了解產品風險，自己的財務狀況及投資目標，並諮詢專業顧問。

---

---