^^【期權短評】莫家強期權短評 ( 2017/03/10)

 

#期權短評

噚晚教既方法,玩熟咗之後會幾好用。不過,我相信大家應該要一啲時間消化,總之有問題再揾我。

 

另外一個我想大家get到既重點,就係要熟習果套「容易賺錢」既策略。呢套策略未必可以幫大家賺到最多錢,但效用就好似一座堡壘,當個市睇唔通,又或者唔順果排就入返堡壘賺時間值,到有機會先再出黎博過,咁樣做買賣就會比較輕鬆,長遠贏面都會高好多。

 

至於提過既新ETF,下星期二就上市,恒指2倍睇好果隻,冧把係7200;反向果隻係7300。而我對後者有較大興趣。

 

反向既意思係恒指跌1%,隻ETF理論上就會升1%。其中一個最大好處係風險有限,唔似玩期指咁有機會要補倉。同牛熊證比較,無咗收回機制,亦唔怕會提早game over。

 

我同大家講呢隻ETF,因為我諗到啲嘢,同期權夾住黎做可能有著數。到時我會試吓玩,有成效再同大家分享。

 

不過有一點大家要知道,這類ETF絕對不適合長揸,問題出喺每日既rebalancing。如果個市升完再跌,再升再跌,過程中就會出現少少損秏,長遠會令ETF價格跑輸指數。至於玩唔玩得過,我等隻ETF出咗,試完再update大家。

 

 風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。




【期權短評】莫家強期權短評   ( 2017/03/10)


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室