【股海崢嶸】潘家榮市評 (2017/03/07)

00個人照-1_0

 

 

今朝一早就收到學生訊息,話某一隻股票好靚,問係咪用入門班教既1xxxx0長坐股王方法可以買得,跟住我望一望,果然係啱啱出現左抵搏既入市機會。平時我都收到唔少人既訊息去問冧,一般我都唔係太想答,因為呢度既目的唔係為左派冧把就咁俾大家跟,咁樣真係無意思,而係希望大家真係可以學識啱既投資概念,自己識揀股,自己識定長勝策略,唔再做羊牯。所以今日收到既,唔再係啲邊隻邊隻點睇,咩位可以買既問題,而係真係自己有睇過,跟方法去揀既股,見到你地有進步真係好開心。

 

 

喺而家呢個市況,指數仲係喺好淡分界線之下,唔可以唔防避,但係又見到咁多靚既強勢股已經開始起動,如果等個市上返黎,佢地已經升晒上天,又錯失左果隻股好值搏既入市時機,咁樣可以點做呢?

 

 

大家唔好淨係好單一咁去諗得同唔得,喺好淡分界線之上就買得,喺好淡分界線之下就乜股都唔買得,其實唔係咁樣,有一個好重要既慨念你係要考慮,就係你個倉位係點先?如果你而家揸到爆晒倉,輸既股又唔肯走,而個市仲係有隱憂的話,咁你再搵股票買緊係唔好啦,再跌落去就危險嘛。但係如果你個倉一直都唔夠貨,可能得果兩三成貨,就算你加多一隻股票,都唔會好危險既,又撞啱一個好抵搏既入市機會,輸就最多輸少少,搏到就從此上車坐大浪既,唔通又唔搏咩。

 

 

就算可能而家仲係揸住六七成貨,個市未好返又唔想加注增加風險,其實都可以換馬,記住定買入策略時既第一個考慮點,如果乎合條件既,就可以將無咁好既股票換走,換入新一隻更強更值搏既股票。

 

所以,大家要學識成個大picture去睇,而唔係就咁買得同唔買得既選擇。

 

 

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室