【股海崢嶸】潘家榮市評 (2017/02/22)

20163142

 

如果你跟左我地,由12月尾上返21700開始買貨,一早買齊晒貨當然好,咁樣只要好好享受升浪就可以。但係相信大部份既散戶,都係後知後覺,總係見個市升左一大段,先至心思思想入市,但係當個市升左咁多,好似仲係有得再升,但係又怕一追就跌,咁應該點做呢?

 

 

一般黎講,散戶通常有幾個選擇:

1) 「既然錯失左升浪,捕捉返調整都一樣」
就係呢個心態,令到唔少人升得多就搏調整,跌就走去搏反彈,長期同個市對著幹,咁樣做,永遠都係嬴就嬴少少,輸就輸死人,炒極都輸係一件好正常既事

 

 

2) 「升左咁多,咁等個市跌到去某個水平先再買」
咁樣做唔係唔得,但個問題係,你肯定真係會有調整?真係會跌到落去你心目中果個位?如果個市好強,真係不斷咁升的話,你永遠都入唔到,白白錯失一個大升浪。相反,如果個市轉勢,跌返落去,你就會一定買到。咁樣做,長遠就係升得靚既無你份,跌既一定輪到你,好自然會輸多嬴少。當前年大時代後28000跌落黎,26000走去接貨,結果坐到去18000點,又或者14年隻27,八十幾蚊跌到六、七十蚊大把人接,跟住輸死人既,就係呢種心態

 

 

3) 「升得多果啲股票就唔追喇,梗係買啲喺個底既追落後」
無錯,間唔中係會有追落後既情況,但係個問題係喺低位既股票係咪代表一定安全啲呢?你試下上年2月喺18000點買隻個底既992,6蚊買,個市升左6000點,佢都仲要輸超過兩成。隻股票落後一定有佢既原因,代表個市場認為佢唔好,如果你不斷貪平去追落後,其實就係儲緊垃圾。

 

 

寫住咁多先,聽日繼續。

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室