【股海崢嶸】潘家榮市評 (2017/02/20)

2016314(2)

 

 

今個星期正值金融股業績高峰期,聽日出匯豐、恒生,星期五就到渣打、友邦。匯豐由12月初揸到而家,你唔好預期佢可以好似其他中小型既股份咁,俾到好大既波幅你,但係至少當個市喺12月跌穿晒底既時候,佢仲係可以頂得住,一浪高於一浪,到而家都仲係破緊頂。

 

 

出業績在即,而家亦都升到上近70蚊呢啲大位,可能會認為貴,諗住食一食餬先,費事到時有啲咩意外跌返晒落去。講真,我唔知聽日業績出成點,亦都唔會知係咪繼續有回購既動作,不過既然佢升得好地地,我就唔會無啦啦走去食餬,因為咁樣驚黎驚去,只會令我地坐唔到大浪,與其因為怕而沽,我寧願等佢真係轉勢,跌穿65.8先至走。

 

 

計得我上個星期喺直播中提過,江西銅(358)如果出陽燭可以搏,以暫時黎睇,佢今日好有機會出陽燭,如果臨收市之前佢仲係喺13.5之上,可以搏一搏上車,用13.4止蝕,以現價計如果輸都係輸2.4%,但係搏到的話,就可以繼續坐上去。

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室