【股海崢嶸】潘家榮市評 (2017/02/21)

2016314(2)

 

今日下晝大市受住匯控業績差過預期拖累而跌左落黎,不過我先前都講過,呢幾日個市調整返落黎,絕對係一件好事,只要唔跌得多就得,現時第一條防線喺23800,只要唔失守,都唔會有咩大動作住,但係若然失守的話,最起碼我會平左今轉由23100揸上黎既牛仔,其他個股就再逐隻睇。

 

 

匯控方面,尋日講左個止賺位喺65.8,同現價又唔係相差好遠,唔爭在等埋跌穿先走,如果唔跌穿的話,就可以再睇多陣,等遲啲揾機會再換走佢。

 

 

尋晚節目講到,如果而家要揀股買,唔好買果啲回到未回過既股票,因為無險可守,萬一追錯左就唔知點坐好,所以如果要買的話,應該揀一啲強勢得黎,近排有回吐,而又開始拗返腰上去既股票,勝在止蝕較近,輸就最多輸少少,搏中的話就可以繼續坐上去。尋晚節目講過其中一隻可搏既係馬鋼(323),講完之後今朝曾經升過5%,而家跟個市回吐令升幅收窄,用2.72止蝕,距離現價大約6.6%,其實都仲可以一搏。

 

 



 




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室