迄今最亮麗的籃籌股 #1276

諗sir:

您好!數月前經朋友介紹才開始拜讀你嘅理財文章,睇您幫讀者解答各種理財方面嘅疑難雜症,實在獲益良多。本人已報讀101收息課程,現希望諗sir可以幫手指點吓自己嘅理財方向。

現況:

物業一: 小型屋苑,市值HK$4.6M ,自住

物業二: 村屋,市值HK$1.8M,收租HK$7K

物業三: 村屋,市值HK$1.8M,收租HK$6K

 

上述物業已全部供滿,本身亦冇其他貸款。手頭持有約HK$1.6M股票,大多為藍籌股(佔95%),如豐,恆生,煤氣,聯交所,亦有少量坐艇細股,已持有多年,每月收息約HK$4K。另有現金約HK$1.4M。

 

本人今年48歲,先生51歲,冇小朋友,亦冇父母需要照顧,目前我俩已處於半退休狀態,故每月薪金收入只有約HK$20K,薪金丶收租及股票收息每月總收入約HK$37K,支岀約HK$10K-13K左右。我哋一向理財嘅態度都比較保守,亦唔識其他投資工具,而家年紀大咗,更承受唔到高風險,現計劃將約HK$1M現金用作收息,係咪都符合我哋嘅狀況呢?曾經都考慮過,再買入一層價值約HK$4M左右嘅市區樓用作收租,但又考慮到年紀同借貸力嘅問題,息口又開始向上,所以擱置咗。如不想借貸太多,是否應先賣出一層村屋再加現有現金作首期?或應買債券收息?現請諗Sir指點迷津。謝謝!

 

蔡太上
ANSWER:

村屋做按揭比較難,無路到既村屋更是無銀行肯借。相反大型兼有管理既村屋如錦繡,加洲,就當前者1981年樓都仲有機上會九成。讀者提升手上資產的可抵押性,等於減低自己問銀行借錢之難度,故除了想辦法增加被動收入,另一著就是賣走村屋。

 

兩間村屋只宜賣一間,另一間就KEEP住收租萬一有日錢用哂,可以將小屋苑單位租出去而自己住返入村,一個屋苑小單位的租值由數十年前至今,避強都夠夫婦二人開飯。所以老黎要保證有飯開,趁後生比些少首期其餘搵租客供滿佢,最底線的退休策劃就此完成。成個plan最緊要的是趁後生做,租客有冇反而不成問題,只要你入手大屋苑兩房或更大單位,只要你肯減就唔難有租客,不過要申明村屋就無呢支歌仔唱。

 

那賣走一間村屋的錢應否用黎收息? 答案是能產出現金流的都可以做,問題是究竟產出的方法陪隨幾大波幅(風險),半退休人仕要考慮清楚。就以手上藍籌而言,1.4m產出四千月現金流,產出率為3.4%,而各股票之波幅用標準差表示,根據stockblogger數值如下:

 

標準差幅 2017 YTD(as of 15/2/2017 trading hour ) 息率
(as of 15/2/2017)
匯豐(0005) 7.8% 8.92% 5.4%
恆生(0011) 3.5% 13.37% 3.5%
港交所(0388) 6.2% 9.5% 2.4%
煤氣(0003) 4.2% 8.3% 2.21%
恆生指數(HSI) 7.8%
國企指數(CEI) 9%

若看賺價,多於恆生指數的升幅才屬投資人真正賺到的。用盈富基金複製恆生指數升跌,既可將個別上市公司的風險去除,利息亦有3.22%。冒匯豐叫你供股、被人罰錢、及管理層失誤之風險才令投資人獲得比盈富多8.92-7.8 = 1.12%之回報,再加年息多2.18%,你又認為值唔值呢?

 

相比下圖一隻收息堂有用的債基,可予超10%的收息方法,你見不少個案是舊學生回信講緊已收13-16%息而下一步點做。留意2010-2016年七年間年度升跌都有單位數字,你買入就算槓盡都未見會CALL一次LOAN,更何況我們已面授CALL LOAN之計算方法,及提出如何留有一手及入市去應對大好或大差市況? 債基收成10%息,而standard derivation(標準差幅)只係3.96%,相比匯豐付出近多一倍風險(7.8%),只收5.4%,更何況其實讀者選取之股份,真係唔知會否更低質。當然筆者無意評論邊隻股份高低,而係討論分辨一項好收息投資之方法。

03

從數字可見恆生是隻較有質素的股票,仲好過煤氣。煤氣無疑波幅低,但回報都低。相反恆生予低波幅(3.5%)之餘更比高回報(年初至今13%),息率比較上都比煤氣好。按次序讀者可將匯豐>港交所>煤氣>恆生咁清除持股,或者淨恆生係度都得! 退出黎既錢,運用債基收息,其次是用ETF替代籃籌portfolio,今日暫時講咁多。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室