^^【期權短評】莫家強期權短評 (2017/02/14)

 

#期權短評

 

上星期四,港股成交突增,按常理,如果係資金流入既跡象,個市就應該要大升。不過,去到今日,大市都仲係無乜力,呢啲情況下,我會開始警覺,因為市況隨時有變。

 

而令我最擔心既,係大戶正喺度「派貨」。

 

近日,個市的確有啲派貨跡象。即係點?首先,大家要明白,無事無幹係好少人會買股票。通常係到升市,加上傳媒唱好,先會多人買。我入行咁耐,我好清楚。

 

過去幾個星期,個市一直升,市場氣氛愈來愈樂觀,就愈多人買貨。但大家有無諗過,最近幾個交易日,大市成交都咁高,但個市都唔係好升,係點解?我覺得就係大戶派緊貨。

 

大戶派貨唔代表個市會即刻跌,呢個要視乎佢派夠貨未。未派夠,個市橫行一段之後,就會突然又升一、兩日,再引大家入市,咁佢就可以再派過。個市就會維持上升、橫行、上升、橫行,直至佢地派夠貨為止。

 

相反,如果個市係真升,大戶根本唔會俾時間我吔買平貨,個市就會好似去年底至一月中咁,一直升。依家個市,好明顯唔係咁。暫時,我仲係睇升,不過,隨時都有轉向既準備。聽日再講。

 

風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室