2017年如何令大陸股蟹貨極速返家鄉? #1250

今日生果報財經要聞,談及國家要求國企將一定比例的外滙收益強制結滙,即焗佢地儲人民幣以穩定匯價。根據熔斷的經驗,國家在金融領域伸出有型之手,只會越搞越大鑊。不過為左唔影響本網站課程對廣東省既招生,我地只好集中討論如果你有一堆內銀或大陸股蟹貨,點樣趁恆指仲有二萬二時好去執葬啦。當然如閣下是炒股高手「永唔蟹」,那根本不需再理會什麼錢財事,請關閉本頁為豐富人生做更多工作。

 

先了解了一眾國企或紅籌,唔多唔少都受人民幣下跌所害,尤其內房,佢地係借美金係大陸起樓然後收人仔。內銀唔見得好好,焗收人民幣但唔准帶頭買跌,加上走資加大呆壞帳,那種內傷不言而喻。早前中國銀行(3988)將中銀(馬來西亞)立為中銀(香港)(2388)之下的子公司,原因估計是馬拉貨幣吉令跌到七彩,兌人仔蝕條數要中銀香港去啃。海外公司因幣值下跌還可以卸,但如是自己國家本位貨幣下跌仲點可再卸呢? 由此可見,有成手內銀或喜愛買大陸股既你,睇睇以下錦囊能否幫手。

 

下圖描述一在美國上市之ETF,走勢總會同香港國企指數同向,惟幅度大3-5倍。在2016年全年,ETF價升幅為國企之3倍幾。有左呢隻ETF,假如陳生2015年大時代用100萬買落中國銀行(3988)蝕左三成,而家只剩70萬,可以將50萬中國銀行沽走,淨低20萬轉買呢隻ETF。由於呢隻ETF係3-5倍於中國銀行的升跌,換言之70萬價值的中國銀行股份升了3%,隻ETF都可跟升約3倍即9%。那70萬中國銀行賺了3%即$21000,20萬的ETF亦都賺了$19000,其實效果不惶多讓。但最大分別就係,陳生係蟹貨入市拎返50萬出黎!

03

多了50萬資金,可以點做? 梗係穩陣派收息望回本啦! 唔通仲拎去博下鋪咩? 投入收息101的債基疊增方案。又或更進一步行埋套餐C,年收息在20%,而債基之風險(即標準差)約3.97%(見下圖),比匯豐股價的標準差(5.19/63 = 8.2%)還低了不少(數據在下下面stockblogger有關匯豐報價圖)。就咁50萬收返一年$100000,兩年即可收回$200,000。將利息加埋原有之70萬,3年後總值接近90-100萬,個本金就咁收返黎。若中國銀行升了,隻ETF都會升,唔怕少賺,詳細操作在ETF課。但如閣下乜都唔做等運到,那幾時收返筆錢未知道。若今時股市真是高位,跌左之後再實行會因本金再縮而難上加難。

05 (1)

4

當然債基疊增都唔係無風險,不過相對比買股票之波幅低,仲要係低30-50%,這在昨日的文章已詳盡解釋了。其實買股之風險可以計算出來。至於上文假設了國企指數同中國銀行同升跌,當中肯定有誤差。不過大家可以去查下價,其實中國銀行過去一年股價同國企指數走勢極吻合。若然大家係買中石油或內險股,此方案都可照用無異,因為佢地同國企走勢唔會差好遠。希望此錦囊幫到大家2017唔再持有蟹貨。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室