^^【期權教室】莫家強期權短評 (2016/12/19)

 

#期權短評

 

有朋友問,撈得底未?答之前,我想俾大家睇兩幅圖。

 

首先,係恒指既日線圖。今日正式跌穿左「特朗普」底,顯示個市真係非常差。而且,更加令人擔心既係,個市差得黎大家係一啲都唔驚,呢一點先係最可怕。

 

我成日都諗,美股升成咁,港股都仲可以穿底。假如美股稍為抖一抖氣,調整少少,港股會變成點呢?一諗到呢度,我所有想撈底既mood 都即刻無哂。

 

其次,就算俾我地博中左個底,個市又真係可以升到幾多呢?22457點已經係一個下跌裂口既頂部。回補完,升多少少,肯定都會擋到實,好難再升。

 

而且,睇吓波幅指數既日線圖。波幅指數已經由低位反彈,雖然仲係唔算高,但Long Call已經無之前咁抵做。少左呢個策略可用,就更加唔應該撈底。

 

呢個市,呢一刻,老實講我都仲未睇得通。但係我好肯定,逄高造淡比起撈底,贏面會更高,潛在回都會更大。

 

SP做唔做住?依家開倉,只係可以開到行使價19000點左右,唔係完全無機會到。但係,如果我俾啲耐性,等佢跌多一下,SP就可能可以做到行使價17600點以下,咁就抵玩喇。

 

穿完呢啲大底,個市再跌既話,好易出現恐慌。到時先入市,會著數好多。

 

風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室