^^【期權教室】莫家強一期一會 (2016/12/15)

 

把聲都係未好得返,所以今次唯有用文字代替。

 

 

今次跌市關唔關加息事?又唔係完全唔關。不過,係關港股自己事多啲。

 

 

先睇美股。杜指,昨晚只係跌咗118點,百分比計0.6%,跌幅好輕微。而且,啱啱我睇返,美期仲要升返少少。

 

 

美國加息,屬預期之內。加上,大家要明白,加息本身唔係壞消息。有本事加息,即係話個經濟唔差,中長線反而會利好股市。呢個係大家睇好多財經評論都會睇到既point。

 

不過,有一點我地要攪清楚,經濟好既係美國,利好既係美股,唔係中、港。今次港股跌成咁,某程度上係預示緊,喺黎緊美國既加息週期,港股將會相當難挨。

 

曾經聽過一句戲言,話小加呢幾年做得最成功既嘢,就係將香港變成一個新興市場。呢句說話,依家諗返,真係非常到point。

 

策略方面,最重要既係暫時唔好做太多Short Put。依家引伸波幅仲係偏低,但係個市唔係完全無危險。低回報、高風險,暫時唔值得博。

 

而且,記住,依家港股話事既莊,係好鍾意陰散戶。記住呢點就得喇。要博反彈,就要等好多人驚既時候先好入市。到時,我會再通知大家。

 

最後,利申,我個倉近乎係吉,同埋我一啲都唔心急入市。信多我一句說話,財不入急門。

 

風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室