【期權教室】莫家強期權短評 (2016/12/02)

 

#期權短評

 

 

我慣常用既造淡策略,主要有4種,適用於唔同情況。有機會的話,每種我都可以同大家分享。

 

 

不過,有一樣嘢大家真係要記住,投資唔係鬥招數多,周身刀無張利嘅人先最易輸錢。老土啲都要講,要學就要比心機學,每一個策略都要花時間去明白,唔好聽咗個「方法」就當自己識。你學得好定唔好,你嘅投資表現都會如實反映。

 

 

今日,講一種最簡單,又有機會賺大錢嘅策略,Long Put。

 

Long Put適用於「大跌市」。上過堂嘅朋友都知道,我會好強調個「大」字。觀察多啲,各位就會明白點解。

 

唔好睇少Long Put可以帶俾大家嘅回報。只要個市跌得夠勁,而你又識得竅門,賺幾多倍都得。

 

好,Long Put要賺得多,其中必要既條件係引伸波幅要夠低。依家算係少少偏低,睇大跌嘅話可以做。比較容易掌握嘅做法,係做12月少少價外既Long Put。當然仲有其他心得,遲啲再講。

 

呢個weekend既意大利公投,係遠慮多於近憂,暫時我唔係太驚。深港通,睇到其實無乜心去做,無必要有期望。不過,睇返個市,走勢真係麻麻,唔好睇得太好。

 




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室