買新樓攞著數? 睇真本案解構 #1221

你好諗sir: 本人30歲 月入$40000 每月開支約$30000 現時大陸工作沒有任入息證明,現有10萬(現金),曾破產 現已解除。因不能過hkmc 於2015年底經發展商按揭 用15%首期買入新樓約370萬,月供約$13000。發展商按揭只有    頭3年跟現時利率,之後沒有任何優惠。我希望在按 揭優惠期完之前可以以樓價6成轉按到其他銀行(明年底收樓). 請問呢2年我的理財計劃應該怎安排會更好?破產人士有否方法可提高借貸力?另外從你fb知道債基,破產人士是否適合呢? 謝謝
本人完全沒有股票經驗

 

answer:

真係要答一答呢位讀者。各破產人仕必然會知於期內不能承造按揭上會,到期後獲法官簽署的破產解除令後,可攜同頒令文件去銀行開戶口。要知破產期間唔好講信用卡,連戶口都唔比開,而銀行對某類別人仕會獲有關當局通知係系統加了「旗仔」去識別。銀行如無人通知,係唔會到期自動抹走「旗仔」,故客戶需到行提供文件才會減去。

 

講返讀者,佢當然係過左破產令先會為自己添資產。問題係破過產既人能否再問銀行承造按揭? 取態是留比銀行、金管無標準答案。不過建議該批人仕唔好去當年你爭過錢既銀行去申請樓批,因為佢地已write off左你筆欠貸。而你相隔三五十年再去問銀行借錢,銀行對呢個身份證number究竟write off左幾錢係有記錄的。一見到就傷心,要借錢當然無得傾。

 

抽出本案作答之原因,係讀者擁三個不利批按揭之因素而不自知。希望盡力提點而他人可借鏡。三因素為境外工作、入息證明欠奉、曾破產。亦由本案可了解香港地產代理的工作手法,係唔會理個客第日上唔上到會,總之有deal有佣收就是王道。新盤高獎賞在前,那會理客死活? 相信讀者只屬冰山一角,近年市場以賣新盤為主應產出不少近同個案,大家快會在生果報睇到。由於賣樓同賣保險近同,買保險廿年後先知筆錢收番幾多、而買樓都有近2-3年的成交期(而家可以長至12年)。在此情下更鼓勵不良銷售,到3年後個客要追討、當時經紀或已經轉行、地監局都管佢唔到。所以呢,筆者設立網站及課堂提供客觀意見,閣下究竟value呢個意見幾錢,留比大家自行判斷。

 

至於讀者,其實佢而家去銀行連一萬都借唔到亦不覺奇。就當私人貸款都要香港有公司autopay出糧先易批,何來係大陸做野又無文件就批到按揭呢? 至於讀者申請到信用卡唔出奇,只要佢搵間同佢無「恩怨」既銀行應可攪掂。但30%年息的信用卡的批核難易、點同收1.5%年息的樓按相比? 說不定有經紀又話:「信用卡都攞到、上會冇問題!」你信佢就真係要老豆淨多一千幾百萬比你敗你先可完成人生。

 

讀者今年應找有錢而人工高的親戚拜年,然後介紹一下本網,當然同佢地提提收息101的債基疊增收15-30%或直債保本咁收10%之法啦。希望佢地收番一年息到時會出手擔保讀者。另外內地公司要轉做香港出糧。若然唔得就要自己開公司去簽service contract,然後用公司出糧比自己,再用買樓003「借貸力由無變有」之法,細心安排文件及對答為自己增強借貸力。讀者宣稱的工資額在香港人而言算不錯,但如沒借貸力可見往後寸步難行,因沒銀行襄助係香港註定難撈。你睇社會上的收租佬同商家,佢地做生意或買樓既錢真係每一蚊自己儲返黎? 買成4-5間樓收租,你真係咁叻可以儲到? 買塊地又如何? 所以一些小財技就是告知你將銀行由對手變成幫手,生活往後可輕鬆一點。

 

至於讀者做債基疊增是可以,但有些銀行在批債基疊增是會睇埋TU及落record的,估計讀者批唔到。而筆者是會告知學生在那裡可做債基而又唔會check及落TU record,令收息人不被減低借貸力,而讀者又可做到疊增收息。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室