80後應否攞阿媽15萬買樓? #1130

你好,諗sir

本人今年30歲 月薪扣除 MPF 後 19,000 ( 每年約 5% 增幅)

每月可儲 6K – 10K

有現金 50 餘萬
保險 月供 2,500
沒有重大財務負擔
想請教諗sir 如何為這 50 萬找出路

如買樓的話,媽媽會準備15萬作為資助
還是買 ETF  收息?
買基金?
還是等待時機再買樓?
先謝謝諗sir 的解答
煩惱的80後

 

ANSWER:

由問題所見讀者在投資上全無方向,不應該取用媽媽錢作投資。雖人到三十或有成家需要,只好說人到三十才開始認識投資進度較慢,不應為買樓而將錢投入未曾熟悉領域。你見小說描述大俠要去救人之前、都要有奇遇習武才可速成爆破對手救全家吧。

 

那…方向是什麼?明白不少人想先做好錢搵錢一步,為自己產出每月收入為先。亦有些讀者說為何不炒股賺價? 好等我五十變一百? 若果炒股賺錢易,那MPF公司一早拎你儲比佢既錢去炒賣。就當要分一半比你,香港成千億MPF炒返百零億出黎同你對分基金經理已夠食成世,那為何經理們知識夠但只將錢買下名牌港股,好似女人仔咁一年只賺你1-2%管理費呢? 亦即咁講,西裝友零願穩賺你1%都唔拎筆錢出去博,你就知西裝友無咩把握。若你好似筆者呢D蛋散,只手執什麼MACD,KD,RSI,讀幾本乜乜書,筆者自覺未夠格入股場搵食。

 

第一步讀者應買ETF,就係貪佢包羅萬有。如下苦工可習得宏觀經濟概念,例如美國加減息對不同資產的影響,人民幣邁向國際時需知一些事項(起碼攪清在岸離岸價),及抄襲一些前輩的選股方式(因為有些ETF是模式巴菲特的選股方法、或一些經濟學家之選股方法而去買入股票的)。況且港股只集中在某幾個行業、仲要係內銀、保險、石油這些舊經濟行業,研究這些股票不好為年青人接合新經濟。買ETF只需一個美股戶口,如你去IB這些$1美金傭的交易商,買賣成本比港股低!

 

呢比心機去研究下美股或美國上市的ETF,有何收益呢? 在此提及一隻由2016年初至今升50%(見下圖一),派息8%的美國上市公司,過去七次派息有升冇跌、每季派仲要從事民生必需要材料品,佢就係CVR Partners(BYSE:CINR)。

 

此公司專門製造天然鹼 ,這是製造玻璃,化學品,紙,清潔劑,和紡織品應用的一個顯著經濟商品。

1

圖一

業務不易受經濟下行打擊,始終你用既紙要漂白、而股市大跌話唔定你會洗少兩次廁所。當然,佢主要服待美國市場。而中國有類近既化工公司,就好似上年係天津大爆炸的化工廠。不過大爆的工廠是產生埃的、而呢間是sodium為主。生埃是nitrogen,是地球上空氣之主成份。呢類公司唔起眼,因佢地是生產原材料。下方圖表,見由2013至2015之EPS有所上升(圖二)。

2

圖二

3

圖三

見上圖三,公司負債與現金之比率約為4倍(103比22),頗為健康。香港公司有如長江基建、比率是3倍幾左右。另外睇埋最尾個幅圖,見公司之EARNING不斷上升、而負債不斷下跌(圖四)。

4

圖四

筆者只能夠時間對一股份作小評,惟當中所用方法

  1. 參考派息是否持續上升
  2. 參考EPS是否上升
  3. 參考負債比率
  4. 了解業務
  5. 有時間睇埋母公司背景

 

應已對有心作投資者提供了入門方法。故讀者應用50萬之1/3買ETF, 另1/3買債基收息12-15%,最後留CASH。學好投資兩年後才想買樓吧。










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室