儘快打爆機做同錢無關嘅事#1129

諗Sir 你好
我系一個25歲ge後生仔
依家月入有2萬 現金有大約5萬

未打算結婚,與父母同住。究竟投資應如何開始? 應該買樓先定收息先?

本人亦是股票菜鳥,我想增加個人儲蓄及買第一間樓,懇請賜教

 

ANSWER:

年青人需養成儲蓄習慣,跟住勁買股票! 無錯,趁後生請買股,唔好人老先走去入股場,比人呃錢翻唔到身。可能你話:「諗sir,香港股市幾百億成交,又係紐倫港,個市點會呃人呢?」無錯,股民輸錢多源於自己呃自己,呃自己隻蟹股有日升得返,明明買仙股又呃自己係做緊投資而唔係賭錢。

 

真投資者,對風險及平均回報應已了解才落盤、更應做好風險管理。至於落盤的時機及手法、先講時機、筆者用技術分析主導的、當然香港而家妖股繁多,唔對上市規則先作點認識(即不少人歸屬作財技分析之知識),真不敢將血汗錢投入。至於手法,例如分幾注,咩位掛盤? 邊個時段吸納? 這是太多股民忽略的,而投資人必須學習。大大部份香港人只想知「買咩? 幾錢買?」、但從不對「點樣買」作研究、年青人欲想學好買股票,需狠下苦功研究。而先講筆者好少買股票,因筆者志向不是想成為一個中年股神、而本段談買股的經驗是參考往時在銀行打工,眾多客戶之投資成敗、自己又將技術分析當統計學鑽研一下而得來。

 

留意筆者特意將「股民」同「投資人」分開說明,因太多股民以為自己係投資人,實質正做著賭博般的事。知道上段文字長氣。大家黎本blog是要看實用的! 在此對初心者推薦三本書(如圖)。一是助你睇明財經報講乜既<股壇解碼器>、二是鑑古知今的<香港股市風雲>、最後當然係<技術分析>。基本野、分析性、股市來龍去脈、搞清楚先入場做投資。

001

雖有書在手、但買股總不能常勝。讀者今時可買股加eETF,但如年到30,好應只用30%之資金買股。說實的人用70%既錢去炒股、賺錢不見得比撥30%既人多。若你方法正確,自然賺到錢、開首本金少只不過令你要翻多次先到目標。人到而立之年,應為自己產出第一份除薪金之外的被動收入。而股票主在賺價、不善去產出收入。要被動收入最好用房地產,因在香港買樓可抵押予銀行借錢、變相沽空美金。在此狂印鈔時代、十分適宜。

 

留意到英國有些房地產基金停止贖回、主因是發售這些基金的基金公司唔比客人贖錢。如各位知道基金都有唔同種類、例如買英國房託利用交易所上市的REITS做、雖個價點都要跌,但起碼可以贖返錢。當然REITS都要選流通量較大的,點都比買銀行推介的開放式基金好、唔比贖真係十分受制。至於不少人查詢的英鎊匯價、筆者認為短期仍會下跌、但長遠看同上星期剛脫歐時的見解不變,就是英國會活得比歐洲大陸好。英鎊對歐羅必能重振、而大家睇睇英國、德國股市表現,現時是德國跌得較深。

 

人在起初要做好工作、然後攪好投資、盡快打爆機然後做同錢無關既事。

 



 








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室