買房託比買樓更佳??

->>按此到討論區發問

可能你都聽過人講:「我有個uncle炒股票好叻,成間半島豪庭就用佢炒股賺既錢買番黎。佢比過兩個number506我冇買點知升到傻左,所以今次813我買番幾手。另外佢話有d股票可以長唔放,好似823, 2778有錢就買d用黎收息,唔使成日睇住咁煩,派息都派成6厘。你而家買樓都冇收成6厘息啦!

首先樓確實係香港人至愛,連衝量人炒股成唔成功都要用舊錢大到可買樓黎表明。Well希望可以由本篇討論下港人在投資上幾個諗法。「比number呢個term真係好神聖,每隻股票只要經「比個number你」呢個詞彙修飾一下,即刻變得有神聖感同吸引力另外比number一定要配合仙股用,因仙股市場係無理得唔可以用任何基本或技術分析去解釋。只能用民間口耳相傳一些關於該公司既謠言,而當股價稍有眉目大批民眾即可協助炒高爆上。

但係,炒仙股而發達既機會有幾大呢相信長睹必輸既理論適用。由於你唔係insider(即係該公司管理層或關連人仕),所以你買入該股贏錢既機會最好只係50%面。你玩幾鋪確實有連贏機會,但次數一多你必然輸返哂落去。所以除非你真係insider,否則都唔好指望靠股仔賺錢,恐怕賺個名牌手袋都難!

近排房託咁hit都因為823升到40蚊,但係奇在d人仲以為佢派息仲係6厘。首先諗樣認為你筆錢主打收息就唔好買股,主打賺價就唔好買債,每樣投資工具皆有其優劣而投資人需做就好適當運用其特性。就因為咁買房託請先留意佢現時派息率及價格。仲有買股一般好少可做高倍數槓桿借貸,買樓就可以,因為抵押品質素大有不同,此乃股樓其一大分別。係冇槓桿下,用40萬買股票只可以用該筆數留黎計6%息。而樓房提供五倍或至近十倍槓桿下,你比40萬首期後可以用400萬去近3%回報收租,分別好大當然風險係可輸到唔要間樓都甩唔到身。

最後,亦係聽過n咁多次,就係講呢個投資方法係你唔使成日睇住。其實投資都係一分耕耘,一分收穫。請唔好再相信咩買隻匯豐擺埋佢放十年呢樣野啦。一係比心機搵多d,一係就分些少時間睇下你既投資啦!


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室