臨近年尾，好多裝緊修既朋友都催師傅(c fu)快手埋尾入伙新屋過年。師傅一向都有幾單工程係手，就當你簽哂合約講明月底完工，佢都係望一望然後話就快攪掂，敷衍一下你。你話佢毀約唔比錢，又要搵另一c fu埋尾徒增麻煩。所以裝修都係不時上去間屋望一望，同裝備公司一齊監察進度比較好。
好多時c fu趕埋尾，不免會慳幾個步驟，其一成日因趕工唔做既，就係唔補返你屋入面大大小小既隙縫啦! 要令物料駁口無縫，梗係要搵填縫劑。其中一個好多人都識睇既，係磚地版有冇用粉質填縫劑填入磚的夾縫，填左會好明顯成屋地板有白邊而令屋主易於察覺。冇填入既會易於藏污，更是不美觀。
一般填縫劑多是水泥色、白色、咖啡色、黑色。當然要搵可以有九彩咁多色。物料係水泥、矽膠，更有環氧樹脂。有時需要加將水泥加入乳膠增加黏性。可能你會認為填縫劑有冇都冇問題，其實不然。看下圖企浴缸既邊位冇填縫劑，收樓時都唔覺有咩大問題，但係幾過只一年冷縮熱脹，企缸邊位既磚因質料不一而出現了隙縫。所以沖涼後，水就由右邊企缸流到左邊地版上，我地未收症前屋主只可用玻璃膠夾硬塞住個位，等水唔好流出。造成此問題一是填縫劑，二是磚的選取十分重要。
收樓時另一個注意點，係牆上既磚有冇注入填縫劑，見下圖左邊係鋪左，右邊未鋪。如不趁早注入填縫劑，不只是美觀問題，漏空既位藏水過久會演變出問題。希望大家催c fu交貨時，要留意有冇步驟已skipped去趕及你所交付的「死線」。
