點去預備彈藥買樓? (問)

多謝諗兄, 一直做CD ROM, 今日留返個言以示支持, 

小弟都想買多層樓收租用(有一層就來供完既樓, 明年底供完), 睇左好耐樓, 舉棋不定, 係咁升, 有時都諗安安份份, 

等供完先再作打算.根據我個SHK做既親戚講(瓏門佢有份起), 呢一年幾起樓人手短缺, 各地盤都搶人, 因為去年四月後, 規管發水樓(大家都趕期限前入則), 

政府加推地等因素, 起樓需要三至四年(即2014-2015), 未來會供應大增. 個人認為, 政府賣地條款加入限呎樓, 到時細面積單位供應大增, 

但價錢未必令未有樓人仕上到車(大西北隴門都萬幾蚊呎, 即四百幾呎都要四百幾萬, 點上車呀), 而有樓人仕想換大面積就冇新供應, 造成左供應斷層。可以想像, 如三年後, 如樓價真如預計下調, 

係細樓跌得”甘”過大樓. 小弟愚見, 請指正, TKS 

->>按此看答案

4 Responses to 點去預備彈藥買樓? (問)

  1. Foon says:

    多謝諗兄出文回覆小弟留言。對於瓏門, 由佢開始起至今開售, 一直有留意佢,上兩個星期, 我曾企响地產公司門口睇價單, 最平七千頭, 聽講即供價仲有6%回扣, AA又有3%佣俾返你, 即係最平都係6千頭喎。我响去年中都學你咁講, 想將層就來供完既自住樓加按, 套返約二百萬, 再fully pay買多層來收租(嗰陣仲响我住既大西北仲有一百中至尾既兩房及二百頭既三房), 但一直主觀願望2012個市價跌, 如果套現出來的錢放响度而去買樓, 個個月都要俾息(我知有銀行提供你講既 “靈活按揭貸款”, 但冇諗過咁用), 最後都係冇做到. 而最主要仲有兩個原因, 就係1. shk較早前開售”天晉”萬二蚊一呎, 後來加推減至八千, 我估瓏門都會咁樣, 奈何佢一直將開售日期一推再推(最早話農曆新年), 吹風話開一萬三, 嗰度附近d盤新年後升左20%.
    2. 本人第二個B將於出世(己於三月底出左世), 不如等埋佢出世先啦(唔知會有乜不可預期錢要使, 好彩上天保祐, 平平安安).
    咁等一等又升左.
    一切過左去, 只有向前看。講多少少個人資料, 家有兩名子女, 老婆專心揍對仔女, 冇做嘢, 我月入唔似你講月入強勁, 都只係每月二萬中(加埋bonus), 加出租車住每年收返一萬蚊(冇打厘印), 但因為生活簡樸, 都可以應付得到, 約有值二十萬股票在手. 自住樓銀行估值3.1百萬。
    睇到你既建議, 我打電話俾我响銀行做嘢既同學, 問佢有關人仔定期個rate, 佢話最高可以俾到3.3%俾我, 靈活按揭原來佢間行都有做(我只知”揸斗”, “癢身”同”扯旗”有做)。 我計過, 當三百萬去加按, 7成有2.1m, 分25年, 每月都要供9千幾, 都己佔我收入超過四成有多, 即使真係樓價回落到我心儀既價位, 按照現行金管局規定, 都唔可以買多一層樓(第二套房唔可超過入息四成?唔知有冇理解錯?). 我想打我老婆主意, 到时可以以佢名義買, 搵佢家姐做担保人(佢冇負債), 買層數收租, 用租金供新買層樓。
    再次麻煩你, 請問有何高見? tks

  2. Foon says:

    打少左個字:
    如果套現出來的錢放响度而”唔”去買樓, 個個月都要俾息

  3. Mr Cream says:

    請問邊度做到 3.25%半年人仔定期 ???


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室