【何衍行專欄】注碼控制尤勝Short/Long對沖 (2016/03/24)

 

剛入行時,好多人話「空頭Short」風險極大,唔做保護係操盤大忌。基本上呢句話係冇錯的,因為「阿媽係女人」準不會錯的,只係冇講阿媽「係個點樣的女人」而已。

到底點先為之叫「有做保護」?好多人的答案係:「做咗Short之後,喺『更價外』Long番若干張。」


記得2011年,中歐債危機爆發之前,期權市場興玩Iron Condor,很多朋友用這些方法贏左好幾個月,月回報可達10%至20%。一套指數期權Iron Condor隔200點做保護,最大風險1萬,用8成贏面的玩法,一套賺到約 $2,000。10萬元倉開5套則回報有10%,全倉開10套,則有20%!

當然,一個大浪如歐債危機,直接打爆倉,5套會唔見咗半個倉,而開10套的就成個倉唔見咗。再唔好彩,D 自己唔識斬倉或會交俾「盤房」斬,有機會斬完倉仲會穿窿,因為係風高浪急的時候,莊家開價會傾向保守,spread去到40點都係常態,但合理價則會有電腦盤隠形做套戳。通常,盤房斬倉係會以即時市場有效價執行,即係倉家話咩價就咩價。試想吓,唔問價斬倉法,如果係全倉出撀,又點可能唔穿窿?而同一個市況,半倉出撀的則因為孖展挨得過,而有被斬到,最後最多都係唔見一半。所以話「真正的保護」,反而係自己的注碼控制!

何衍行
美國特許金融風險經理
中泰國際副總裁






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室