假如香港樓價由2010年無升過? #esp2 業主大屠殺 [故事>諗sir]

ESP2 業主大屠殺

 

Regina鎮定咁同經紀講:「同我平些少沽走佢。」這是佢行入番位坐番低之前最後一句說話。隊長搭咀:「做咩? 要賣樓拿?」

Regina唔耐煩咁講:「之前個經紀懶好心話幫我個單位掛高D先至賣、今次真係瀨野。政府既然都唔比樓價再升、持貨無益、早賣早著。」

隊長再問:「你手上間樓係咩貨色? 我諗聽日起個叫價比之前平少過20%,根本無人肯接。限制呎價即是買樓投資所得有封頂。若果買左之後政府再調低指導師、變相業主被逼係荷包嘔錢出黎。買樓呢件咁蝕水既事、仲有人做咩!?」

相反無樓在手既teammate,一臉得意洋洋、買唔到樓既男同事更目光呆滯、咬牙切齒咁講:「最起碼都要跌五成、跌撚死佢。」

大家見到咁既款、都知係時間散水、埋單去也。

 

第二朝返到公司、當然由老闆做briefing、詳細解釋金管局頒布的樓市限價政策。由於香港所有持牌銀行都受金管局監管、而金管局又受二撇雞財爺指使。所以有新財政政策出場既時候、銀行職員都需要去了解。當然我自己無錢又無樓、對什麼限呎既政策不想花時間去了解。可是當銀行九點打開門之後,我知道買樓呢件事、你唔去諗佢都大把人走上門搵你。

 

首批入黎既客四對、全部都問新限呎政策出台之後、對佢地間屋既估價有冇影響? 其中一台客剛買市廣場一期。貴買的、成250萬、我地處理緊佢既貨款申請,佢想知道限呎令對佢個批核有冇影響。一個按揭要批出有兩大原素、一是個抵押品值幾錢、另外是借錢個人搵到錢,即借貸力如何。咁今次影響的是抵押品價格,當然就係要打上估價公司去重估了。不少人以為係銀行決定間樓值幾錢? 又或係唔係兇宅? 其實係估價行既測量師去決定的。若最尾真係要批錢比個客、銀行要問測量師簽份正式估價報告後先會過數比個客、對一間樓既價值有客觀報告? 就唔會好似當鋪咁隨便、純靠阿叔經驗去估下隻撈值幾錢。

 

相信全香港人既銀行都忙於打比估價行、我打左成大半個鐘先有個人用極不耐煩既語氣接我現話。仲話:「今日估個價至少比尋日打七折、要估比地址、聽日先覆。」Well, 我當然話比個客知估價行好忙、用之前個價先七折計仲有機會再低、希望幾句就耍走個客啦。唔通聽日真係同佢再跟咩? 點個同個客講七折之後、佢隻眼紅哂咁同我講:「我買要250喎,你點可以七折只借175比我!?」

 

我原本都諗住耍走佢了事、點之佢咁唔好老味,惟有盡我所知咁嚴正去答佢:「陳生,唔係175,我地根據銀行守則只借估價的90%….即157.5。呢個係金管頒布政策,我地一定會做。」我都估到佢一定會攞起台面部計數機、250*90%-157.5 = 67.5…..我心想:「Yeah,死染頭你咪就係要攞多成67萬出黎先可以買樓囉、無錢咪學人買呀嘛。」這一句心裡的、算係將儲左幾年錢都買唔到樓既冤屈吐左出黎、一野吐落「新業主」塊面度、爽!










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室