假如香港樓價由2010後無升過? #esp1管制 [故事>諗sir]

esp1. 管制

Billy係沙士個年大學畢業,係父母介紹下黎到老虎銀行工作。正所謂有個仔係銀行做野、父母都倍感安慰。佢今日出席公司活動聽一家上市公司副主席分享成功之道,台上這位商界女強人眉飛色舞地說自己如何爭取機會學習,才有今天的成就。Billy真的聽得好唔耐煩,原因一係公司要佢用放工之後既時間去聽呢d「心靈講座」、但絕對無雞既口感。相反過去4個月,由於2009年尾雷曼執笠之後經濟快速反彈,銀行將每月要跑數既target set到天咁高,佢同其他teammate做到六點已成個人散哂,一日見六個客、有外國人有大陸佬,口水頻詭道轉了三次又要介紹買乜賣乜好,實令人心力交瘁。佢真係唔明白每日咁辛苦返工跑數為乜?

 

Billy老豆係個生意人、阿媽係荔枝角體育館做個睇場阿姐,係屋企行落樓就可以返工。成家人同埋細妹一齊住係美孚新村。聽落係香港一個典型中產家庭,實在佢自己認為係「窮中產」,每月阿媽都提佢要比家用,有加無減。近呢兩年阿爸生意唔好,每月家用加至$8000,雖然只佔$28000月入的尾數零頭。但淨兩萬蚊自己又要食又要儲確實係「窄」。

 

辛苦去工作,可能就是為了快d退休唔使做。聽完個蛋散up野已8點,不如同班teammate一齊食埋飯先返屋企。一行五個,隊長建議成班西裝友去路德圍打冷。

 

路德圍對於billy係一個好有回憶既地方,媽媽為左慳錢細個會帶billy到附近既流動牙科服務車去睇牙、而睇完牙仔有痛楚媽媽會到經過既萬亞玩具買返份小禮物比billy做補償。聖鬥士星矢、四驅車咁,billy每剝一隻牙架車既摩打就upgrade一次。十幾年後既今日,billy返到去路德圍心感一片婉惜、玩具鋪已經執左轉做藥房。佢問同事:「喂、幾時執架萬亞!?」同事話:「幾個月前度啦,佢貼左十幾年結業清貨、今次真係執左!」其實而家路德圍搞到咁旺、仲有呢d玩具鋪更要捱到今日2010年已經好難得。

 

成班teammate就坐左係舊萬亞既對面、大個仔唔再講四驅車、三男三女講買私家車同換車。車對於男仕黎講,實在係身份象徵。揸volkswagen好過揸honda,話哂叫歐洲車。而揸「紳寶」既,可能有個「紳」字,就猛咁話人地係「雞車」….至於寶馬同benz,一向係billy teamhead呢類人既首選。正所謂搵五皮幾野話少唔少,但揸波子又或benz跑完全未到level。咁十零廿萬買架二手benz黎將自己同散仔differentiate一下,實在係隊長對自己既定位。billy心想對於隊長而言、每月搵錢去供車供樓就係每日之原動力。可能有波子再轉個靚彎入比華利山,令自己受萬千索女擁戴、實為做人理念吧?

 

閒談之間,得知隊長就住在路德圍附近的一個舊型小屋苑。談論到此幾位女仕好似對荃灣區既樓極有研究。什麼萬景峰、御凱、綠陽新村、荃灣中心咁樣咁樣喃喃上口。不能不同意女人真係好睇個男人有無無揸手,尤其佢team個三位女仕,已經告別少女時代。當得知隊長都係住緊係綠陽新村附近既一個細舊單位之後,其中一位女teammate即刻對呢區大彈一番。話荃灣d樓又舊、新界d樓又黃。明眼都知道,佢想突出自己住係灣仔究竟有幾矜貴。billy知道,呢位女teammate michelle只不過住係灣仔道一幢唐樓既三樓。但佢就講到自己既灣仔公寓好似係囍匯一樣、真係DLLM。樓確實係成班廿尾三十頭既熱討話題、樓價由2009年急彈兩成、到2010年已重回及升突2007年個價、價高得令人望門輕嘆。突然間電視出現了「DU、DU、DU」那短促而又屬於特別新聞報導的那一種聲。數秒後鏡頭轉到財爺,佢話:「由於樓市升勢失衡、港府決定由今晚午夜12時開始、管制香港任何物業的成交價。無論各區的住宅、工廈、商用樓、車位均有指導呎價,買賣雙方的成交價不能高於指導呎價。直至樓價返回可令港人負擔的呎價為止。」

 

全餐廳既人都全神貫注、就連傳菜既阿姐都當正佢有10間樓一樣咁緊張去聽。我將目光放回餐桌、發覺女同事regina,已經企左係出面講緊電話。

 










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室