買樓收租同債基既好壞處#950

 

 

大家好,今日已是回答第950個個案。仲有50個就到達1000大關! 在此多謝各位讀者支持!

 

今次文章不取用讀者發至本人之理財個案作解,而是節錄網上對債基、直債及買樓各項事情的留言,再由筆者加意見希望帶出更多投資概念。例如C君個案告知你去銀行問及筆者提及之債基、直債、保險方案之結果。先說明因收費低及傭金低所以案中靚女就算識都唔肯sell。

 

A君留言: 我又試下分析買樓收租同債基既好壞處.

買之前:
樓)要做功課,睇樓,睇估價,還價,簽臨約
債)可做可唔做功課,上網睇factsheet, 睇息率.. etc.

*****

買既時候:
樓)要去律師樓簽野,去銀行做mortgage,驗樓,比佣金
債)去銀行簽野,支票或網上過數,比1-2%手續費.

*****
買左之後:
樓)裝修,搵租客,同租客還價,又簽約,再比佣金.(可能發生:追租,電器維修)
債)每個月銀行過數等收息.

*****

可以好肯定咁同你講,做債基方便過買樓收租n倍.
你覺得麻煩可能係因為未了解件投資物,但買左之後基本上係坐係度收息.
我唔係話債基好過買樓收租,樓價既升幅係債券做唔到的,
但兩件投資物絕對可以共存,亦可以互相分散風險.

 

 

回應: 債基同買樓收租是可兩者共存的。請不要再試圖找一樣最能滿足自己的投資物,因股、債、樓、匯各有好處,你實在無需要只選一個。在街上不斷有人同你分析佢既投資方案有幾好,係因為佢要促成銷售,所以唯有褒揚自己而貶抑其他對手。永遠都係「我介紹的是最好投資物,沒壞處!」這些論述。

 

謝A君採用嶄新角度作比較、係用買賣時序,即買之前同後作比。惟不苟/認同之地方係講買之前「可做可唔做功課」。正所謂錢搵返黎有血有汗,豈能不聞不問作投資? 何況一百萬債基可為人產出$12000-$10000每月收入,已足足等於很多人大半份人工。那投資人每月為此事作1-2次關注,確保收入持續及避開黑天鵝,亦屬正常。當然,債基「無咩手尾跟、每月等10號收錢」令不少人喜愛的。買樓收租終有折舊、但留意租金可用通賬上升、成功為退休人仕抵禦通賬,相反債基今日收開10000蚊成世人大致都係$10000,故只宜作中或中短線投資。筆者的收息課程有幸得同學支持,已持續調高收費去延遲投資物被各同學搶高價格,明白減少收生令參與者減少同學有得著。見收息投資課程BATCH 17的120人(見下VIDEO)每月開班縮減至BATCH 24的70人,已正視舊生意見。至於債基、直債之好同壞處亦會坦誠告知,等學生投入金錢前了解兩面。

 

 

B君留言:

最主要是現在買樓槓杆不夠多, 所以好似回報吸引力不是太大… 我都好同意, 買樓要好多心機, 不過, 因為生活化, 所以都可以接受

但債基, 好似好深, 我現在好似霧中行路一樣, 慢慢來….. 模索中

 

 

回應: 想提出買樓收租後作管理確實較容易明白,因住房一事各人都有經驗。當然樓交易成本係貴,這亦是股票因傭金低而應運而生之原因,當然另一是買股回報較高。惟不少人買足股票幾十年,連幾條顯淺的上市條例都未明瞭,亦即同意在不知悉遊戲規則之下買股。你叫筆者比,買股所需的知識需求最高、繼而係債、最後係樓。早幾百年,法國破產之前就成立公司上市迷惑人以股換國債、得以令國家債務水平下跌。股票權益可被攤薄、亦無到期還本之義務。用股票換走你手上既債、幾可肯定係小投資者唔著數。

 

另債基的槓桿確實比樓高、更是借了錢都不影響個人信貸質素。

 

C君留言:

講個笑話你聽, 有次我去某銀行問關於債基問題,
有位後生靚女客戶經理serve 我.
佢又有好多牌加CFP,好似好勁咁.
我問佢邊隻基金適合我,
佢話”D隻乜乜基金啦, 回報OK 風險又低, 我好膚淺架咋,5粒星梗係好過4粒星啦”
見佢咁靚女真係唔想串佢, 讀咁多書最尾都係睇星星??

所以師兄你都唔需要睇到件事咁複雜, 好多人睇yield 睇星星已經決定到買邊隻,
話晒你有management fee 比基金經理喎,你比咁多錢就係唔想煩,有’專業’人仕幫你打理.

 

回應: 由於銀行都要跑鋪租,冇可能支持到職員唔賣野去比客觀意見。你入銀行聽免費野就會有上述後果。這亦是HOMEBLOGGER本網站成立目的,就是以學生付費的基礎提供客觀有用的理財資訊。比較基金是有法門,唔係用MORNINGSTAR粒星星的。我們在收息課內將基金的風險及回報都數理化展示、再授予那裡能快手找到此類資訊,從而為學生得出冒1 UNIT風險邊隻基金提供最大之回報。銀行職員係有讀書、但跑數所限佢地通常都唔可以運用書本知識幫客。最尾當然係打理手上既錢、當然你由自己決定最好啦! 錢一旦過人手、損失少部份幾可係肯定了!










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室