[Win蛇]車位投資

 

我自認係多樣化投資者,所以唔玩股票仲有好多野玩,最近減持左股票,加注左車位、古董同玉石投資。今日不如講下車位投資。

幾個因素另我覺得車位o既升浪未完,除買賣時機外,當然location係非常重要o既因素。好似買樓一樣,right timing買right location可能幾年升幾倍,wrong timing買左浪翠園可能o係呢個大牛市仲未返到家鄉。

廢話少說,入正題,睇好車位理由如下:
1) 政府而家求地若渴,好落力收返D爛地起樓,爛地停車場買少見少,咁D車泊邊?


2) 政府而家限制發展商發水,發展商傾向減少浪費地積比率去起停車場,寧願起多D單位,搵真銀。有D新樓,單位比車位係去到1:10,咁新居入伙後,架車泊邊?


3) 香港出生率近年高左,生左小朋友之後,父母會傾向買車多D,出入較方便,買車o既整體人數係多o左。


4) 而家市況唔好,資金尋找出路。好似股市,港股悶到爆,又跌跌不休;中國大陸風險高,美股老牛難上;港樓,睇唔到仲可以大升,食大茶飯。外匯,太多政治因素,如果玩孖展,好易一Q清袋,反而渣港幣(即美元) ,本身已經贏左;債券,美國加息,對債券不利,特別係投資評級債券。

簡單o黎講,車位供應越有越少,需求越來越多下,好有誘因上升。其實近年升幅,車位贏晒住宅,例如北角富雃車位,2010年32萬,而家成交165萬,5年升5倍,絕不失禮,而且唔怕租霸,唔使打理,唔使裝修。有好有唔好車位係比較濕碎,買得多難管理,如果500萬買1得單位係易管理過買10個車位好多。不過我咩都玩下,都唔怕煩o既。

 

Win蛇: https://www.facebook.com/winvestment












本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室