做人做事10道理予心急人J #912

您好各位,

 

唔好意思,冒昩尋問,因為身邊冇人可以比好意見。這些日子上網才發現閣下很多很好的文章,飲恨太遲知道… 有急切問題想請敎諗Sir 教指點迷津….

 

小女子今年三十七歲單身,月入27400, 年尾雙糧,另外每年花紅起碼一個月,人工增幅每年3%左右。扣除mpf, 每個月儲蓄 9000左右,餘下洗費包括7000家用,個人5000,保險基金投資1100, 保險1900, 雜費2000。

 

現時與父母同住公屋,入表申請綠表居屋靑俊苑單位2.66mil (政府話現估值4.1 mil )  , 比左現金133 k 做首期,由於居屋仲起緊所以未有按揭及買賣合約,未計其他費用,現餘下170k現金。由於現金不夠,不同屋住的弟妹會幫手比將來裝修。

 

我與父母很喜歡這向海單位(雖然要由公屋490尺搬細屋437尺,室內空間約400尺以下….), 但落訂後發現洗費比想像多………

 

因為我是用綠表抽,所以父母與我在供居屋之時會喪失公屋資格(父母退休冇收入冇乜儲蓄), 亦預計以現在息率下,如果銀行批供25年(政府限25年),每個月要大約供11500。

 

問題是:

 

1. 可以有辦法在, 這半年至一年間把現金170k 滾大d嗎?

 

2. 我擔心月月清地供25年後仍要補地價我才有權加按轉名…. 如果我仍單身冇兒女,死左之後可怎樣把屋轉給弟/妹?如果我有乜事供唔到,父母點算..?

 

3. 想到以上一點,我就有撻訂的念頭(133K會冇左…) , 至少唔會令自己及整個家庭咁大壓力….這會否退一步海闊天空?

 

4. 如果錯過這次機會,會失去133k 及海景單位機會 ……, 如果供的話,可以怎樣在這情況下儲到將來補地價的錢?還是有其他辦法?

 

不知如何是好,敬請指教指教

萬分感激,謝謝

 

心急人J
ANSWER:

抱歉講句,若讀者能如佢所述月儲$9000,那為什麼計埋比出去做訂既133K仍自身儲蓄只30萬? 難度是這幾年才開始儲錢? 另外讀者未搞清楚為何理財、及理財目標。抱歉筆者對有些發問者如有感行錯路、定必嚴厲指正。看倌可不同意筆者說的話,但筆者認真處理讀者來信是各位期望、不敢辜負。

 

投資年期越短、所冒風險越大、因時間短令投資容錯率下降。要好似讀者咁講於半年將170K「滾大」,按筆者估計讀者想將此筆錢賺價。要成此事,可將當中1/5作細價股或期權買賣。留意筆者的理財要點是1/5,而不是買咩股票好。因投資失利一般是未有做好資產分配。由於本金少、將錢投入高風險的投資物是必然的。另投資物的特性如何、方法如何、是需要花時間去理解。投資唔係搵個人比個NUMBER然後自己買入就搞掂、投資人的生活或比打工仔過得更艱難。筆者有感讀者看畢此段後只會慨嘆及原地踏步、這說明了為什麼有人在山頂、有人在山腳。「人人生而平等」、只係德國打輸仗之後想賴皮唔賠錢既一個借口。既然老闆比你的人工肯定唔會再加、那各位好應做好自己投資搵多份收入。

 

關於未有訂下遺囑怎處理遺產問題、就算唔係網上搵到、可請教一些50歲開外、父母已離世的同事或朋友應知道。「唔識就要問」,就係咁簡單!

 

另外關於讀者說供樓壓力大、支出大咁樣、就無謂花時間再講。壓力問題、人人都有。綠表轉居屋、就是政府令辛勤人仕向上流的其一階梯。5%首期買樓、講出黎都比其他讀者妒忌,要知現時買樓down payment 為40%樓價。

 

本個案大致講到呢度,為左湊夠字,筆者只好獻醜說說每日都在自我提醒的做人做事道理。

 

  1. 成功是每日努力的累積
  2. 要遇貴人、先要令自己變得有利用價值
  3. 身邊的朋友的財富均數決定你有多富有
  4. 切勿因電腦而令自己缺乏等待的耐性
  5. 讀好書唔一定令人發達。但唔讀書想發達好艱難
  6. 貪快和貪多總令人失去更多
  7. 贏在細節、成就大事必先做好每件小事
  8. 真正的有錢人總是謙卑
  9. 壓力令人成長
  10. 較好的專利權規條令新發明留在美國











本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室