[龔成] 跌市追揸沽Q&A

 

尋日大跌市,唔少讀者網有都問答我一d股票問題,見諒我難以詳細作答,呢度整理左尋日的問題(你亦可睇翻我尋日下午的fb)。

———
問:好想知你點睇”中國銀行” 現價? 始終覺得$4 以上已經算貴
龔成: 算合理啦,單以收息都有5厘,唔會太差
———-
問:今日隻1211收$30.4,跌1400點你都有得執,真係要叫你成哥
龔成 :長線的,所以唔太重視短期股價
同埋捉到低位只是好彩
———–
問:你覺得2328優嗎?
龔成 :不過不失,財險呢類保險,始終缺乏品牌價值,造成顧客的忠誠度有限。現價市盈率約10倍,不過不失
———–
問:如果273點睇, 我見而家0.242好吸引….想入2手試下….
龔成 :273我無分析,唔敢亂講,雖然佢今日跌左兩成半,但跌得多唔一定就係平,要自行分析下間公司先好入
———–
問:152,算優質公司嗎?
龔成 :算是中等,不算太差,過往幾年盈利都能保持,但盈利沒有明顯增長,市盈率7倍不算貴
———-
問:2318 呢?
龔成 :2318其實係優質公司,但之前升得太多,同埋佢做保險會收左大量保費,成為浮存金,然後就會有部分投資係股市,所以大陸股市跌都會對佢有影響
———-
問:2822,371,390呢
龔成: 2822太波動,一定要分注入,之前太貴,現價才算合理
371其實唔差,但我無仔細分析過,之前炒得太勁,雖然現時跌左好多,但現時的市盈率仍去到廿幾倍…自行決定
390雖然有一定質素,但呢類有概念股,我個人唔會掂,所以1766同另外的證券股我都唔會掂
———
想問下1175 食品加工?高位渣了,,還在跌,,
龔成 :1175無睇過,但睇翻佢有10合1及1供1的記錄,個人對這類玩財技的公司有保留,加上市值細,一定大上大落,不合符我選股及優質股的原則。
當然,用炒賣的角度是另一回事,市值好低,現6、7億市值,而現時上市地位的殼價都值4、5億,下跌有限,但這方面不是我的強項,請自行研究。
———-
問:一帶一路等概念股死哂, 成哥教學真work
另一網友:好彩龔成係之前大時代期間都只係話入隻金沙,我跟左,跌左,但跌幅遠比大市少
龔成 :當我見到熱炒某概念、好多散戶玩,就會避開,雖然短期回報會輸比人,但可避風險
———-
問:成哥3396你點睇?
龔成: 聯想其實唔差,但我對呢d新上市的公司無興趣,因為帳目一定經過修飾,令到上市價提高。就算好野都要貴買。
———-
問:700 ok ma?
龔成 :700我自己唔會掂,科網市場的變化好大,可以好賺錢,又可以蝕大錢,所以估值可以有好大分歧,造成股價的大上大落,你見1060的股跌過半就明
———-
問:386 點睇 (同857 比,比較少貪污問題,油價只要唔再大波動,每季賺150 億唔係難事。仲有佢呢排算硬… 我6.27 買 1年睇7-7.5)
龔成 :從業續來看,386比857上年的業績有較大的下跌,另外,如果比較股東權益回報率(ROE),386近幾年的下跌都較快。我都會偏向857
———-
問:請問338,算好股嗎?點睇入唔入?
龔成 :一般,5年有2年蝕錢,現價未見吸引
———
請問750點睇,$13入現在應否分段入手?
龔成: 係呀,分注啦,但唔好急,每次分起碼要相距2成價位。我自己都有貨,長線有價值的,但呢期點都要捱下價
———
問:咁請問3800又如何
龔成 :炒味太勁,太多散戶玩,呢d我個人唔會掂。雖然上年有錢賺,但睇翻業績,5年有2年蝕錢,價值投資者唔會選。你短炒則另計,但我不懂。

 

「龔成」專頁:http://www.facebook.com/80shing










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室