[梁隼] 西九龍樓好安全

成日話樓市好快會爆,幾時爆同點樣爆係無人估到的,所以諗黎都無用,最多就係避開一些高危地區,或者買都買個安全的地區,就算真係爆起上黎都無咁傷。

 

好多人認為香港島既樓好安全,理由係香港島供應少又無新地皮開發,唔似得九龍同新界真係地有多大產,人有多大膽,呢個睇法以前就係,依家就未必喇,因為現代起樓技街進步左咁多,政府又係咁盲搶地,連斜坡、綠化地都唔放過,香港島其實有好多地段係可以騰出黎起樓,再者,香港島好多地方都有潛力重建,就好似堅尼地城都原來隱藏左一個大型重建計劃,試問邊個仲夠膽講香港島好難再有新供應?

 

至於九龍新界就更加容易搵地起樓,仲要逢親係靚地都俾好多政治團體候住要起公屋居屋,呢種錯配唔單止拖低政府收益,仲會搞到成個地段價值下跌,講得白一點,有邊個私樓業主樂意見到隔離突然有座公屋啦。不過凡事總有例外,講緊就係西九龍,即油尖旺加深水埗呢一個地段。 西九龍又無得填海,重建又起得七七八八,公屋地段又鎖定晒係長沙灣一帶,可以話將不明朗因素完全消除,餘下就只有不斷地發展商業地同西九文化區,所以話仲有邊個地區穩陣得過西九龍。 仲想買樓的朋友,就要多加留意西九龍仲有甚麼筍盤,賣一間少一間呀。

300x250banner2










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室