新收息物。年過10%。無年期 #849

諗sir你好, 上完你既收息同ETF班, 希望諗sir指點一下

 

我現年40歲 , 月入55000, 每年有約3個月花紅

現金1M, 股票0.4M,

有一樓現值約6M剛完成加按7成套出4.2M, 因樓齡舊只可做22年每月供約19000. 另有一已供滿自用車位約值1.1M.

扣除供樓及日常開資每月可儲35000.

有感現手持5.2M現金正在暴曬中,希望喺回報同風險中取一個平衡, 目標每年產出400000被動收入. 現有以下想法:

1) 如收息堂所示,找到朋友介紹人可用5M開户買直債再操作, 如要做到較好回報需選一半為~9%既內房債加一半香港大企(如銀行,+X哥). 回報可以,但未知被call loan風險有幾高

.

2) 用5M買入3至4條約9%內房直債.不做槓桿. 收0.45M息一年. 如選中之內房出現問題,只要唔執笠,應可捱得過,如整個內房債版塊全軍覆沒,那就真無話可說.

 

你喺堂上講有一句說話令我印象深刻,就係「大部份人投資失敗通常係賭得太大、而唔係買錯投資物」. 呢句話令我時常提醒自己要用謙卑既心去做投資, 所以我選取既投資物亦以保本為主, 希望諗sir比d意見,以上兩方案那個較為可取.

祝安

投資小矮人

 answer:

 

本案讀者有500萬係手,可以考慮只用直債投資,貪其到期保本性能。當然叫得做債券就多數有年期、永續債需承受價格風險,另外不同債券類型對息口敏感度都唔同,在收息堂上已交待加息之下邊種債券將獲益而何者會失利。另外做法亦已說明。但見讀者再上埋第二步既ETF堂後有此項底子,不如在本案介紹埋點將債券換左做ETF去運用,且看能否維持流動性之餘更可派高息、亦招呼到價格波動最好近乎零既情況。

 

上私銀好處,係ETF同直債都可提供低息融資,而筆者所舉九成方案都係一萬幾十萬港幣即可完成的,完全不需要私銀帳戶。其實就咁買直債都有6-10%年息,比起你就咁做定期或者買下股票已經好好多(中電 HK.0002 52周波幅約15%而年息

~4.02%)。強調ETF唔係股票,兩者之分別及用法好應搞清。就此讀者而言,可以去星交所搞呢隻白楊樹(化名)基金,

 

1

*白楊樹(化名)基金走勢圖

此基金早年買左香港一個好大既商場打左入去隻FUND,買左佢你可以有「買鋪收租」既感覺,而基金一年波幅係0.9-1.06,約16%,係呢半年升多跌少,派息一年5.52%、而操作後一年有約8.18%、500萬投入2/5即200萬,年收息有約$163,000。呢個方法在年初飲茶有幸得朋友告知,為左佢地幾位費事被人打擾,所以不提名嗚謝啦,當時在網上提及的「簡介」如下:

 

 

(QUOTE) 呢個世界, 原來有啲投資比起買樓收租係好好多, 好處有:

– 不論買價, 3成首期, 可按7成 – 利息只係1.5%以下

– 不需估價, 買咩價都按7成 – 貸款冇年期, 可以借到百年歸老

– 貸款只需還息, 不用還本 – 貸款唔洗收入証明

– 貸款唔洗計壓力測試 – 超低經紀佣金, 0.25% – 超低厘印費, 0.1%   – 唔洗比3D

– 唔洗比律師費 – 唔洗裝修及維修, 因為唔洗我理

– 唔洗我搵租客, 因為連約買, 即買即收租

– 唔洗我管理租客包括追租, 傾租約及續租

– 永無租霸, 所以永無壞帳, 有都唔洗我理

– 年收租回報7% – 7成貸款杠杆回報率15% – 升值能力, 2014年升值3成, 本金計升值1倍

– 加按套現方面, 銀行即日估價, 即日批核, 即時電話通知, 翌日錢存銀行

– 套現方面, 唔洗搵買家, 唔洗傾賣價 – 即日賣出, 2日後錢到銀行

– 最重要, 收租唔洗比稅, 賣出賺幾多都唔洗比稅, 稅局絕不會查

– 絕無凶宅風險

(END OF QUOTE)

 

至於筆者自己冇買上面隻「白楊樹」,而將錢投入美股另一隻ETF,呢個FUND買左FACEBOOK/GOOGLE/QUALCOMM/APP….一大埋野每月尾二個星期五PASSIVE地做某動作去產生利息,年回10.37%,比起新加坡美國收股息要比稅只7折回,所以得約8%。但再操作可過12%亦可,筆者自己就單買收息就算。如讀者500萬投入2/5即200萬於呢隻ETF,年收息有約$240,000。
5

*諗sir自己選個隻既走勢圖

 

那讀者用500個收$400,000/年之目標,假設選後者,只消用300萬收$400,000-240,000=$160,000即可,那5.3%一年的直債即成。上面兩隻ETF都可隨時放,配一隻5-8年的直債無太減低流通性。












本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室