八年投資成泡影 資金沉冤怎翻身?#845

收息同學課後問眼前的投資相連101PLAN究竟好唔好做落去,供了已7年,到今年年中已完成八年抗戰,最終都係得個桔蝕些少離場。最令佢懷疑的,是下方月結果顯示之每月$3000港幣供款,一季竟被扣起$(614+799+150)=1563作費用,讀者質疑為何三個月夾埋供$9000蚊而收費竟達$1563/9000 = 17.36%

這是否「八年抗戰」失敗既原因?

 

收息101課堂重點教大家點各前出發買好回報兼有用既保險,如5年DOUBLE回報方案。至於幫手檢討大家現有既保單、雖呢兩年不斷有同學訴求想開班但筆者衰自己太愛玩樂、加上不想得罪業界,所以未有什麼「收息104保單篇」既開辦。唯有在101堂後每次留耐少少答下保險查詢當補強一下。本案讀者細心將補單scan後附上,且看一看呢份保單係唔係咁差?

 

見下圖有保單收費,呢份係2007年買入既單,所以未有好似而家既投連101plan咁要有個一頁收費說明。筆者將收費解說整合及節錄在下方列出,雖有七項收費但恆常的只有5項。留意保險公司精巧地將收費用每季解說。如一般人認為每年1.5%好合理既管理費、而家變為一季。用簡單計算即約一年6%,此收費用initial administration fee道出。即上方月結單所示$614.93的一欄。

av02

可是,呢份單又有另一個管理費叫annual administration fee,看畢後筆者明白了點解要將之前的另一種管理費用一季計、因為仲有另一隻用年計。留意呢種年管理費係最高收年3.5%,而且係基金公司收的,唔係呢間保險公司。所收費用已在基金價格上反映,按筆者觀察,應係最上方月結單所示$799.86的一欄。

 

$150為每季定額收費,若有人問及呢張保單收費幾錢、那有人大可以答保單收費為$150一季。但佢未必有提及有三種的管理費,為初始管理費、管理費、及年度管理費。

 

同學7年多供了$276,000、現時帳面數唔知,但要取回所投資金只能取回$272,000。明顯損失了時間。可能有人話當初攞27萬黎做首期買樓、而家賺200萬係起碼。筆者不認為買樓同呢個計劃是同方類比、因買樓用了槓桿及其他有利因素、而呢個plan沒有,加上而家先衝入去買樓、對於實力少既投資者不為上算。較同類的比較,筆者會用月供ETF同呢個plan比,利用ETF擴闊自己投資視野,係美國成千幾種ETF可以比你買到、買巴西又得、博美國加息賺錢又得、更可以選取最低波幅個廿種美國中小型股投資亦得! 2015年初至今做得較好既SECTOR,係同中國有關,不過唔係就咁中國ETF,這在堂上已同BATCH3同學解說了。至於ETF收費? 只係買美股時所需付的COMMISSION及每年ETF的expense charge,為一年0.6%-1.0%不等。買美股的傭金比港股貴、但都係只貴些少、比起一季花近2%鎖死錢係投連101計劃、可更為上算。至於什麼平均投資法、其實買美股買1股都可以、比起計劃至少買hk$1000仲低、更是可隨時贖回。詳細執行方法在六月課程再提。

 

至於唔ETF,可將272,000取回投放債基方案。係12-15%年息之下,每月收成$3500,仲直落袋唔使等30年。收息101係唔講ETF、但提出所有除買樓及除ETF外可爭取到回報有年10-25%之方案。

 

至於呢個計劃,其實依筆者所見已比其他同類型計劃收費低廉。鑑於公保險公司同讀者打理$27萬而每季只收$1563,年度化收費計為$1563*4/27萬= 2.3%,當然若有計錯歡迎該公司黎指正。而收費仲離譜既筆者常有見聞、未方便在此公開頻道分享,更好的處理手法亦不未能在一篇文言明。對於投資不求甚解既朋友,再無章法咁投資、在此個案可見輕度損失之程度、至於重傷既朋友,筆者希望見一個救一個、救得幾多得幾多。












本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室