點解買樓先會有得食雞脾?#844

置業的原委

不少年青人以買樓為目標,亦有不少人提出莫以買樓為個人人生目標,應將精力投放於更有意義的事情。筆者看法是對於人生道路怎樣走其實無話對同錯。反而錯定的就是一口咬定自己係無錯個位。本文接下來為大家分析一下買樓同唔買樓係財務上既分別,條路點行就交由看倌自行決定。

 

點解有私樓會有得食雞脾?

其實有樓係手唔代表高人一等,反而有一間樓係手只能令你參與社會上「同生共死」的遊戲。萬一經濟大跌令全港業主輸錢,你作為小業主都要陪葬。惟在經濟角度考慮,人輸你輸其實問題不大、過往幾次樓市大跌銀行對負資產業主都係「寬大處理」。最慘莫過於人贏你輸,就好似黃興桂咁講:「一來一回係英超輸六分波!」伯母見到男友無樓係手咁唔快樂,唔係呢刻佢唔likely,而係佢預見到無樓係手女婿既資產數額會十分波動,容易引起日後既家庭糾紛。自己份棺材本更會被吸星大法化走。

 

真叻人

唔買樓又唔代表係傻仔,其實欲急於買樓既人代表自己想行一條平穩既路,同全港人同生共死。所以「一旦年少買左樓、最叻你只可以排到廿九。」曹仁超話千祈唔好咁後生買樓,筆者既領悟大概就係此意思。要做最叻既top twenty,多數係賺錢有法、而唔係儲錢有法。當然個人智力、性格及際遇都影響到你是否top既一群。真叻人唔代表智力要高、很多時都係不露鋒芒。至於香港人萬一知道自己能力有所不及,人到三十買返間樓跟返大隊行都係個叻既選擇。

 

真蠢人與無得輸族群

真蠢人係最容易搵到,身邊有不少朋友都係眼高手低。就當希特勒都至少蠢過一次,當年話要三個月內掃平英國。套返落現今市況,就係有人相信自己眼光獨到,沽出自住樓去租屋。由2010年至今筆者見不少人都想先賣樓再等市跌、又話唔買住想等市跌,最尾就係「蠢」業主仲揸住間樓去每月收「叻人」租。奉勸持有物業不過二者,勿將樓房賣走。我們比一個exception,就係人工不過$22000而「刮盡都無廿萬係手」既人,萬一放樓可得10年儲蓄金額,在察看樓市半週期一般不大於10年之下,才有誘因將自住樓賣出放手一博。呢類朋友就算博唔到,都係無得輸。

 

傷租族

唔上車先租樓住又或賣走樓房等市跌,用任總詞句呢伙朋友正在「玩單邊」。買股票一般投資唔大,那唔做對沖就咁買正股單向睇升無問題,輸哂都係幾十萬。買樓唔買樓既決定係幾百萬或千萬既投資,若你而家用既方法只能在跌市出現時才能獲利,那你對自己家庭的財務計劃不負責任。筆者在<樓換樓>一書已有提及,債務是可以利用時間去貶掉,亦即而家做按揭借入美金去定額供款,他日還錢越供越輕鬆係近乎肯定既事。就當加息,首先係,美國作為一個債仔,有條件去大幅加息令自己每月利息支出暴增嗎? 當然若有日美元被各國唾棄,美元狂加息去留錢是會出現的。不過到時美元幣值應會同俄羅斯既盧布在2014年出現同一情況,就係狂插,那你用美元計價的債務係唔係都會即被一筆勾銷?












本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室