懶人投資法 – 債券與股票 #837

你好!本人38歲,單身女姓,月入$15000,無其他收入,人工唔會有太大上漲。與父母同住,無按揭,不可以做二按,父母已退休,用積蓄同一間鋪收租生活,所以不用我供養。而現自住的屋將來應該會留給我自住。本人沒有太多積蓄,HK現金$100K,Rmb現金$100k,手上突然多了現金HK$4m,是父母給我的。想買樓投資收租,以便將來退休用。我有現金但借貸能力有限,自知不能行錯第一步,在現今的市況,我應該怎做?
1) 第一次買樓投資,應買邊區?樓價大約多少?
2) 我既收入情況,買第一層樓應該做不到9成按揭,變相要比多d首期。如:樓價$4m,我是否要比$2.5 to $3m?
3) 本人目標是買完第一間,再買第二間,我的狀況是否很難做到?

4) 有朋友介紹私買外地樓花、投資外地樓好嗎?

我自問不是一個叻人,手上有cash也不懂連用才可以令自己退休路好走一點,希望諗sir比d指引,萬分感謝!

張小姐

ANSWER:

 

無啦啦有舊大錢係身,往往都會因福而禍至。古人云「祸兮福所倚,福兮祸所伏」實有其道理。讀者未在早年生活習得理財知識,現時情況有如三歲小孩手揸金條係街行,要知君子無罪而懷壁有罪,再不深入計劃只會讓錢被有心人全取。

 

講返讀者自己,其實佢應坦誠面對自己一次,在此年仍要父母操心實在是說不過去。不論佢幾有理想、又或自身職業有幾祟高、受父母之恩而到近不惑之年仍唔搵多個錢比父母享下福、真係點都過唔去,而家更要家人為其退休而勞心。當然無人可以代表讀者父母發言、不過在仔女角度去看縱使父母家財千萬、自己努力去賺多些錢去讓父母安心及開心下是孝順表現,莫等父母不在時才察看、到時後悔莫及。

 

關於第一次買樓、其實首先唔係考慮去買邊區、而係考慮自己能力可以買邊度。讀者自己借貸力盡計都係15000/10000*50%*2.59 = 1.94MIL,計埋4.0MIL屋企資金買盡(1.94=4.0)=5.94MIL。若用埋屋企人錢去買樓,萬一投資錯誤,那是否再要麻煩屋企人去救? 用自己能力買樓即1.94MIL借盡,咁係香港都買唔到咩樓。當然如果點都要買一間、那讀者可選擇大屋苑而流轉量高的、河畔、翠屏、翠怡花園都係選擇。若買3.0MIL樓讀者實在唔能夠只比一成首期,這點讀者是對的! 借盡都係1.94MIL,所以首期為3.0-1.94 = 106萬

 

讀者可先將10萬投資去債基收息、當然用另10萬去買股票都可,當你知股票風險幾大,就自然知債券雖幫唔到你發達但好處在穩定。筆者在<<收息論>>一書提出將投資行為劃分為收息及賺價兩種。兩種行為需配合各自兩類的投資物,收息101課會談點去收10-15%息用債基而沒有鎖定年期,其實讀者有此金額而若學習得宜、慢慢由10萬分三注入增至持200萬債基收12-15%年息都可。債基究竟風險比股票高定低? 根據2020年3年大跌市後,債基價位(下圖)於2020年3月2日B餐見$65.65,3月24日大部份大於恐慌之中,報54.19比月頭跌了18%,然而4月14日已收修大報份失地,失番至60.23。之後五及六月的升市B餐及C餐都有照跟市升。

 

比起煤氣匯豐領展傳統收息股,債基就是全好過。當然股票有用處,hit-and-run賺價。下圖為領展2019年12月至2020年6月價位,88元跌至66元,未計最低位50幾,立此存照。買股票看其動量,看其相對價而不是看淨價,為入手心法。但如咁基本既策略未識就入市,你對唔住你辛苦賺返黎既錢,買股有機會再講。

 

 

 

唔用債基,轉用直債(債券)保本收息都仲得! 不過樓要從地面起、加上直債入場門檻要10-20萬美金。所以應由最簡單又冇年期的債基方案開始。另外收息是合懶人的、因為收息策略一做好、錢就會每月派到。不過在開首時點都要比心機去理解學習、SETUP好一套同自己財務情況符合的被動收入機制。

 

炒股票賺錢港人於2020年前常用,不過匯豐停派息,領展可單日跌10%,證明買股要贏要有套得勝率高的買股方法。總括而言、投資應要有章法。亂咁黎等於將自己辛苦搵黎既錢倒出街。當然讀者情況同不少人有所不同,應將父母予的90%資金做定期鎖死、等自己學好投資才運用未遲。投資同打工一樣、都要勞心先有錢賺既,懶人就算只收息都要開首時比些力。更何況收息課而家可網上做,想實行有助教幫你搞好佢。

 






 

 

 


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室