梁隼-樓市短打(1):睇樓撞著污糟嘢?

大家有無試過去睇樓,明明間屋四四正正,甚至有豪裝,但唔好話入屋內參觀,誇張起上嚟連企喺門口都渾身不自在?到底呢種不安感係因為屋頂安裝咗衛星天線或者手機收發站令到磁場混亂,或者真係有污糟野呢?無論係點,睇都唔舒服,真係幾平都買唔過。
話說沙田區某大型屋苑,交通方便仲有鐵路站,入門版單位面積400呎左右都不過300萬左右,甚得上車一族追捧,幾年前睇過一個無窗台細單位,事前經紀已叮囑單位剛裝修完,會有油漆味,筆者沒有鼻敏感,心想不是問題吧!於是就前往該單位視察。
上到單位之後,單位果然剛油完油,加上沒有打開窗戶,油漆味及天拿水味果然濃烈,不過筆者早有心理準備,當然唔會覺得有大問題,而單位沒有窗台又四正,廚廁都算新淨企理,最重要是單位沒有入牆傢私,睇過都相當之滿意。
不過睇睇下問題來了,筆者突然覺得頭痛又心跳加速,當時心想,是否油漆味太濃烈引致?不過見同行朋友加經紀都沒有異樣,算吧,就當係筆者財多身子弱了。
回家後興之所至,搜尋一下凶宅網,嚇然發覺該座樓宇前後共發生過三次自殺案或命案。筆者所看之單位並不位於事發單位的樓層,所以談不上感覺唔好同曾發生多宗命案有否關聯,總之日後一入屋覺得感覺不好就會盡快走人。
有玄學界人仕話,睇樓帶埋細路仔或者BB仔,如果行到入屋細路仔嘈嘈閉或者BB仔突然大哭,間屋風水好極有個極,因為佢哋比成年人敏感,能夠感受到D特別嘢,真係信不信由你! 
樓景-640x480











本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室