太古城1976年開賣係幾錢呢?#664

諗Sir您好, 同好多人一樣, 最近發現您個blog, 日日一有時間就睇同research您講過ge野…報左收息班同財技班,

can’t wait! 比左150%上收息班

 

本人25歲, 澳門人, 澳門冇物業, 但屋企人買左大陸樓, 本人單名。以前以為乖乖打工, 唔好咁大洗, 做下投資儲下錢就可以過世。睇左諗sir個blog先知道自己真係太大安旨意… 個人資料: 剛轉工, 收入30k左右, 有14個月糧。

現金有 75k (剛剛賣左上年買落d股票)

而家有 525k 係股票, 有470k (market value) 係好耐之前媽咪買落d blue chip. 帳面而家 -145k, 有50k我上年入,而家有market value 55k。

 

有份好細個已經開始供的基金, 不用再供, 可取回 USD 24k。(冇賺過) 大陸物樓, 380萬人仔, 已付全款, 2015年年中先交樓。其實仲有多層大陸樓, 父母退休用的, 我幫手每月供20k, 但書面上係我父母供。(澳門借錢, 已付全款, 可以隨時入住。) 本人知道自己十分好運, 有父母支持, 穩定工又有樓。但睇完諗sir個blog, 發覺自己真係冇好好利用已經有ge野, 個個月淨係得份糧, 俾埋錢媽咪供樓之後就冇咩錢剩。成個財政都好被動, 每月都冇現金流, 想擺脫呢個情況, 唔想供左樓就一世。而家咁後生, 係咪應該借舊大錢再好好投資? 澳門樓市好癲, 唔夠guts入場玩, 加上要3成首期自問真係冇能力。 lose緊錢ge 470k可以救返生佢? (494, 1088, 2628, 3988) 都係高息blue chip, 繼續收息?

希望諗sir可以俾下意見小妹。8月19日尖沙咀見! 多謝哂!

 

ANSWER:

相信讀者上完(收息/股票)課程後應有幾個得著:

  1. 知道股票先天上就唔係一個收息好工具。
  2. 大家應趁後生多借錢買物業。因為無論你先借入港幣或人民幣買樓,到最後都係越還越輕鬆。筆者特地找來太古城開賣廣告比大家睇睇(見上圖),於1976年係「月供千餘,首期萬六」。講到呢度梗係有人話:「個陣人工都係幾百蚊! 成千銀要做幾個月先有!」是的,筆者就係想證明買樓從來都唔係容易事情。比起大家係forum做鍵盤戰士,筆者再行一步找來1976年的人口統計及香港年報,當年30歲人男人平均收入約每月一千(見圖),女仕們六百,均數$800。而供一間太古城約要-1.5個月人工。

 

到2014年,政府有左九成上會,主要負責九成二按香港按揭證券公司約於1988年才成立,令大家首期少更可拉長30年黎還,個人入息*中位數為$12000。供太古城? 應都是兩萬蚊左右。當然而家要供成30年比起1976年首發即買只供十餘年長,惟筆者想指出舊世代買樓的艱難,不比現世代容易很多。另外留意一下1976年入息人口是由14歲計起的。當年香港教育制度已好了不少,惟大部份人都係讀完中三就要14歲開始係工廠打工。2014年供一間樓太古城都係要1.5個月人工。

 

所以將銀紙越見不值洗的現象利用,最好就係趁後生先借錢,慢慢還。你現有的財產10年過後會折半,廿年過後根本不算什麼。當然借錢可以是高危行為,惟當你懂得計出自己最盡借到幾錢,而恰當地將所借金額調至最盡額之一半,買樓課程就授予此計算令風險大減。而讀者唔借錢仲要買內地樓,不看好。點解香港係資產儲存中心? 因有信譽而水源不斷湧入。點解澳門財源滾滾來? 因為黑色既錢走一轉之後會變….

*見政府統計處2013年5月出版的<2013年1月至3月綜合住戶統計調查按季統計報告>

 

  1. 唔想供左樓就一世? 是的。我們授予的是大家點利用樓為自己做事。而不是每天工作淪為樓奴

 

要踏出第一步,咪再搞咩(494、2628、3988)。最股票唔係買品牌、而係要買升既股票。見下圖將一隻ETF同中國人壽比較,ETF 2014年初至今日升幅25.28%,不過不失。不過由2012年至今升幅係200%! 而中國人壽係….貼近0%。咁呢隻ETF又買左咩咁叻呢? 以下為其部份composition:

  1. Cisco System
  2. Inter Corp
  3. QUALCOMM Inc
  4. Apple Inc
  5. Facebook Inc
  6. Amazon.com Inc
  7. Microsoft Corp Inc…

  

點解此ETF會升大家睇完都明! 你每日用緊FACEBOOK 呀? 定係每日都幫襯緊中國人壽呀? 上圖紅線為中人壽。高水條線係ETF。

至於明眼人一睇就知此投資物為何,其實都唔係咩特別技巧。惟此ETF是上述組合之三倍計。那讀者何不將其60萬股票組合減回40萬,只放20萬投資於此三倍計ETF,即可享有等同用哂60萬買上述一堆股票? 而取回之40萬即可用作買樓?

 

港澳居民習慣投資大籃籌股票,錯失了不少好投資機遇。讀者知道了自己借貸力為30000/10000*2.59*50% = 3.88mil之後,讀者用ETF即將原股票組合改善了、賺價能力高了而動用資金減少。更可在年內部署買第一間樓開展第一份現金流收入。樓房的投資威力要用時間才可展現。宜趁後生買入。至於想趁捕捉低位買股買樓既想法,阿毛都知! 讀者都試左,而結果用(494, 1088, 2628, 3988)呢埋密碼說明了。大家可以用資產的1/10少試賺價,等學懂遊戲規則再加碼未遲。讀者有60萬買足50幾的方法、太普遍,亦解釋了點解香港股票殼價咁值錢,因為公司一上市就有大把水魚錢可昆!

 








 


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室