80後買樓記重編: episode 2

ESP 1:

http://homebloggerhk.com/?p=23390

Billy企起身同個副主席講::「你知我想要甚麼嗎?我要work life balance,為甚麼要力爭上游?我才不會做工作奴隸!」同學見到平時柒柒下既Billy無啦啦爆seed已驚奇、另一個驚奇係會場當中不少同學拍手大叫認同! 咁對billy係一個oh my god既鼓勵,佢有勇氣再話:「身無分文既我聽你大數自己成功史係十分難受!我地後生絕對唔係蠢,請你唔好被傳媒利用而加入「80後」同「成功人仕」既紛爭了! 係度教訓的地80後!」Billy認為人最緊要知道自己想要咩。佢係起身離開座位之後,向心中既目的地進發。

 

Well,型只係一剎那既事、要生活過得好需要漫長鬥爭! 剛進畢業既Billy真係唔知自己想做咩,只係想自己做一個有尊嚴,比上不足,比下有餘既人。電腦系畢業既佢走到就業輔助處想搵份工,Billy家中不算貧窮,住係居屋,不過都唔想搵份人工低到六、七千既工作。2003年係夏天billy四出奔波,於立秋當日Billy係一家電腦公司開始做programmer。當時手提電話還剛脫離「蕉」的時代、Nokia 同sont eriksson大行其道,billy負責用Java 幫一部手提寫program,你可以話,佢當時係第一代於手提電話寫app既programmer。人工剛好比佢既底線$7000蚊高些少,係$7300一個月。

 

 

返工係辛苦、第一日返工咩都唔識比人白眼真難受。Billy心諗我都係第一日返工,做咩對我咁兇呢? 可是同事同佢講:「收左錢,每日請你係度飲水呀?」心中一句「x佢老味」之後,好不客易捱到六點鐘、再打多一個鐘「加時」,「扮」工至7點鐘走人。返到屋企阿媽問佢今日返咩工,當佢知道阿仔做programmer之後,同佢講:「寫字樓工係好。但而家連李嘉誠都唔攪科網啦…..冇出色架! 不如你搵份銀行工做下啦…」

 

你知billy由放暑假買書單野開始已經唔再信阿媽,到畢業時佢更已經習慣對阿媽既指令抗拒。當年惡行令billy先入為主覺得阿媽建議係要先reject。聽到阿媽一句「溫馨」問侯,billy都無心放工後再同阿媽駁咀。心想:「我想冇出色架咩? 我攪成咁你冇份造成咩?」沖涼食完飯再玩下MSN,搞到成兩點訓第二朝起身再返工。

 

訓得五粒鐘又再起身做野、當然無精神。而第二日返工就比老闆捉中偷懶既人Billy數為其一,係職場開展咁不順利既BILLY點解可以廿年後撈到上半山呢? 請看下回分解。










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室