開始部署一生三宅是否太遲? #597案屋村仔

諗Sir你好,
小弟一向對樓市冇太多認識同研究。係大約三個月前留意到你個blog引起興趣,立即追返哂之前所有既貼文,亦都睇左你既<樓換樓>,上左買樓堂, 實在獲益良多。同其他讀者一樣,小弟都有些問題想請教諗Sir,希望現時開始部署一生三宅都未算太遲。。請諗Sir賜教,謝謝 ! 

                   
先提供一下小弟同太太現時既狀況。
#資產入息 :
– 小弟和太太於2012年以2.6mil聯名買入兩房物業自住, 9成上會,2.15厘供30年,網上估價現值2.75mil,尚欠銀行2.28mil。 
– 小弟今年30,銀行工作,月入29k,扣除父母家用,保險,火險,個人開支後月儲14k   

– 太太同齡,月入16k,  月儲7k
– 每月按揭還款約9k,家庭開支約2k,所以兩人月儲再扣除按揭還款家庭開支後,每月聯名戶口淨儲10k

– 聯名戶口現金約150k

 

#生活需要 :   
– 計劃於2015-16生一個小朋友
– 未來有機會需要同外母同住, 外母有一約500呎公屋,於90年代以190k買入唔需要再交租

 

#問題 :

1. 如需要與外母同住,是否應該一起搬到已買入既公屋居住?但由於小弟與太太既物業以9成上會未能出租,即使搬到公屋亦似乎冇咩好處。。  

                             
2. 小弟自住物業唔係用緊staff mortgage,不過用staff mortgage可享十成按揭及低息供款0.8厘其實好吸引,但只能預計短期2-3年唔會轉工,視乎公司發展機會。請問小弟應否將物業轉為小弟單名,再將按揭轉按以享低息供款再加按至市值,以市值2.75mil-2.28mil計套現470k投資增值?但如將來轉工需將按揭再轉按,是否應一動不如一靜,還是應趁而家享盡低息按揭將來要再轉按再算?

 

3. 就如一開始所提出既生活需要,長遠計其實自住需要三房單位,小弟有興趣於屯門購入三房單位,想請教諗Sir對屯門樓市睇法。除瓏門以外,諗Sir對 a)屯門市廣場,b)卓爾居,c)大興花園有咩睇法,值得買入自住同投資嗎? 除以上屋苑外,新界西北在5mil或以下有值得留意既屋苑嗎?
4. 由於聯名戶口儲蓄只可承受較保守,低風險投資(可接受最多15%損失),亦唔想資金被綁得太耐(可接受一至兩年投資期),請問諗Sir有咩投資工具適合小弟?回報最高又可以去到幾多? 

 

多謝諗Sir賜教,祝<樓換樓>長賣長有 !

 

馬小弟上

 VIDEO答案:

 












本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室