力哥講古仔

同網站主篇只不過傾過兩次計,但大家十分投契,難得有機會延續多年的寫作習慣,繼續滿足一下個人發表慾,故此一口答應以後盡可能天天供稿;其中一專欄命名為『力哥講古仔』,主要會在週末和假日刊出。專欄名稱顧名思義可想而知都是講下故事,內容雖大部分確係真人真事既親身經歷,但因好多或者會有些難以置信,假若聽起來有些唔知真定假的感覺,就請當我只不過是亂咁吹水好了。

由於內容雖則全是陳年舊事,但因或會涉及一些名人的所作所為,故此原則上係好人好事的就不妨開名表揚,但若屬彈多於贊或過於敏感既話,咁就真的唔係咁方便公開人哋的身份,到時該會以一些代名表述,以免影響人家的名譽同地位啦。至於主角係邊位,希望讀者可以自己估估,但千祈咪追問我或走去到處打探了。

 

今期首篇面世,唔想講人,先講下自己。由於認識力哥的朋友,大多都知道我入行時間經已好長很久,一些唔熟性的甚至叫聲我老前輩,令我真係唔知應佢好定唔應佢好。懂我者都知道我有點似譚校長的口號「年年廾五歲」,即係人老心不老,永遠做乜野都依然係咁衝勁十足。

 

力哥樣子生來帶點baby face,所以至今一把年紀有時都仲呃到下人,新認識既有時真係估我唔到。尤其是在大陸好多人可能生活得比較辛苦,所以老得特別快,有時三十仍未出頭,光睇樣子仲以為已有四五十了。相反力哥就掉轉,假若有時打扮時髦些,真係不難充下廾五歲的。年前因工作需要,不時要返大陸出差;試過同些老總食飯應酬,唔知係咪覺得我太年青未夠稱同佢坐埋傾野,酒餘飯後好興玩下估年齡,竟然有人估我廾歲未出頭,真係令我心裡有點喜,又有點憂呢。喜既係仲有大把光陰去重新來過爭取更好發展,憂既係俾人恰,當係靚仔,幫唔到公司傾到好既合作條件也。

 

力哥投資手札

力哥: 恆生指數面世幾年後即投身股海,不少股評人的幕後寫手。所主理的「交易廣場」投資組合成績超卓,其中股票組合與窩輪組合在三年內曾創下獲利超過一倍及十倍的超理想回報。其本人在股市、樓市的投資成績也屬眼光精確,累積的資產與財富至今已達八位數字。所擁經驗助你戰勝一切風浪。

LIKE 力哥: 

https://www.facebook.com/homestockhk

 









本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室