「私人銀行」點年8%累死心急人? #578案

非常尊敬的諗sir, 你好! 小弟為你忠實fan, 之前上了買樓101及102, 及收息101及102, 前兩天上完收息103課, 提及投資相連保險產品, 感受深刻.

 

 

小弟於2005年亦買下此類產品, 希望請教如何處理. 情況如下: Premium start date: 12/2005 Premium Term : 22 years Periodic Premium: US$1000 per month   之前在Swiss privilege開戶, 因當時無知,感覺像private bank, 好像”好形”, 買完供了, 再計數發現非常大問題, 年年又賺不到錢,手續費及管理費高之餘, 又不能取消戶口,於是於幾年後已停供款, 直今戶口餘下約24萬, 因原理財顧問見我停供, 加上swiss privilege被AXA收購, 已很久沒與我聯絡, 我亦很久沒改投資組合,

 

 

現投資組合為如下: AxxA Wealth Fidelity ASEAN Fund (35%) AxxA Wealth Fidelity China Focus Fund (42%) AxxA Wealth US$ Money Market Fund (8%) AxxA Wealth Parvest Equity Latin America Fund (15%) 因上完收息103後發現8-10%回報有各不同方法, 更覺年年賠錢不是辦法,年期還有約12年,請教: 1.      有否方法取消戶口? 如不能, 2.      建議怎改變投資組合, 穩定賺約8%回報? (可選擇的基金清單見附件一)   因此事已深受困擾多年, 不知怎處理, 非常熱切希望諗sir能明燈引路, 帶領小弟走出多年困景. 謝謝! 非常,非常 ,非常心急人上

 

 

answer:

 

 

 

讀者去了「鹿角酒店」的SwissPrivilage開了像是私人銀行的戶口,最尾係無厘頭咁買左保險。不知是客人聽唔清定係有人講唔明,保險同銀行戶口又混為一談。今次讀者更以為自己開左私人銀行帳戶,要知私銀戶口的特性及用處可以係: 帳戶受制於端士或其他避稅天堂法規。開立者好多時要匯錢去其他國家   其中一大用處為收埋d黑錢。筆者唔知點解<華爾街之狼>入面呀Leonardo要用佢姨媽個名開戶。私人銀行戶口可以只有account number但冇持有人名稱。即早年筆者工作時鬼佬成日提的numbers account,私銀戶口其他好用處係:

  • 在投資角度可令自己享有更多投資物,如將股票掉轉咁倒掛出去。唔係成日叫你買再又買的保險
  • 在投資角度可幫你更易借錢。更可買入投資品後借回五至九成王等,年息口為1.2%左右
  • 戶口事項多不受證監會投資者保障。有事隨時預備要打官司

講到底,有五百萬資金在手可考慮私人銀行服務,比一般八百萬開戶入場要求更為低。如本身有些少現金係手、留意一下我地在堂上為同學將五百萬作八百萬洗之展示。讀者現時只買了一份供廿年的保險,同私人銀行完全無關。如要取消戶口,要比番22-(2014-2005) = 13年之管理費先走得人。即如管理費係3%一年,佢要比13*3% = 40%先可以取消計劃。投連計劃好值得sell比客既原因、當然係客人在簽名一刻已應承交足十幾廿年管理費、無論他日身老病死都好、所以呢一紙承諾可能比夫婦結拜那種更為高,簽之前搵個有知識既朋友在場見證下為好。     分清「供款期」同「計劃年期」 投資相連險供款期實可短至三年,但計劃年期可長至廿年。最弊太多人以為個plan只係供三年後就買左,到發現時要支付大筆「分手費」,利潤令保險公司垂涎。

 

 

不少人供完幾年後會得出顧問停止供款之建議,否則又點叫你開新單呢? 若水源不充足無新單開,什麼「顧問」即時走人。所以由買產品去建立出的理財服務建議、註定是失敗的。另外「顧問」當初建議的每年8-10%年回報方法,讀者上完收息堂後發現根本不難自己做到、那原有保險如何處置?   計劃情況是現在停供了,留左24萬係入面比人狂扣收費。何解? 計劃本身有管理費、另外讀者在計劃內投資的相信是Mirror Fund,即由AxxA公司出的基金意欲複製外間某些基金之回報。此舉令不透明性增高、收費更有機會雙重。由於簽下各種條約對讀者十分不利、只好「先死而後生」,將24萬轉入Money Market Fund,此應為計劃內最低收費的基金,轉入令自己每年洗費減低。

 

 

 

再用已授之通道方法得之市場低位,一至兩年先將基金轉入一次,尋求先壓低計劃支出及等機會爭取回報機會。留意如不先壓低支出、讀者根本近無機會翻身,因用現有組合一年幾項費用支出近6%,係基金只不過一年20%左右年回報之下,最盡一年只賺10-15%,咁幾時先可以出生天呢? 所以先將6%支出降至2-3%一年,減少放入計劃內那些拉丁美、什麼亞太基金。利用計劃可免費轉基金之特性將錢在市低時才投資於市場。至於你話因為有免費轉換去買此類計劃,筆者認為是得不償失的。另一積極做法是用現有一百萬投放於12-16%年收息工具收息,一年已追回此24萬大部份。好似前日同學發現有隻債券由年30%回報已升至60%,筆者唔係鼓勵大家不明不白下投資,而只想講要獲取回報的方法不只是此等投資計連保險,心急人更要加鞭追回時間。

 








   


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室