大丈夫一份糧養全家之法 #556案半山居民

諗SIR你好!
睇完你嘅大作樓換樓得到好大啟發,希望可以急起直追早D做到財務自由。

現家庭狀況如下,我同老婆都係33歲,未有小孩但都希望黎緊一兩年會有。我月入十萬,老婆只做兼職月入14000。我兩都無物業無負債。

手頭現金二百萬(一半港幣,一半人仔定期)。
正苦惱點運用手上嘅錢買樓。

有兩個想法:
1: 用一百萬按八成買入大約五百萬嘅樓自住(美孚或四小龍); 用餘下一百萬買入一間三百萬樓收租。
2:買兩間約三百萬樓收租。自己再租住新界西的新樓(月租約萬五)

本人比較喜歡方按二因可住新樓,而且就返我喺新界返工。不過比較冒險因為按七成其實唔可以出租。

唔知諗SIR點睇?
感激!!!

 答案

月入十萬相信係專業人仕、看罷本案大家知道醫生都未必懂理財、更大問題係有人滿足於自己現在收入而唔去打理財富,他日收入中斷後才發現自己儲蓄不夠、退休後生活質素大減,後悔莫及也,再想搵錢已冇可能。

 

一個搵七萬既人打算退休後每月洗三萬,看來都頗為足夠。可是計及通賬,三萬蚊夠醫病之餘又「頂」到猛於虎既通賬幾耐呢? 就當勉強可以、你再諗諗自己,而家有將月入一半儲起嗎?

 

所以點計都係死路一條、人地移民加拿大交重稅是可理解的,起碼老年有政府照住。本案33歲讀者有二百萬儲蓄、11.4萬家庭月入,在香港已是十分不錯、有需要買樓投資產出現金流嗎?

 

正是窮有窮煩、搵到錢又有另外煩惱。如你不打算出家向彿,趁後生買落幾間樓用黎出糧比自己實為好方法。以讀者收入不需買大單位。讀者看書後有疑問,在於<樓換樓>一書先集中講解原理、未能收錄執行之法。

 

暫時唔會寫另一本書再講、<樓換樓>已經斷貨。我知大家好神心更九點鐘打黎問有冇得訂書、答案係請大家再等約10日去書局買。講返心法: 工資高既人可買入幾間細價樓房,此舉帶來幾個好處: 避免在高位錯買貨,出貨可逐間減磅,亦唔會被一個租霸玩死,更容易買中倍升樓。如將資源集中於一處、除非你十分了解將來香港點發展、否則都係慢慢逐少買的好。

 

當然如預見借貸力在不久將來大幅下降、或人工未夠強勁只可一間起兩間止,那現時盡用借貸力去買入對房是對的。本案讀者家庭借貸力為114000/10000*50%*2.59 = 14.7MIL,冇物業。建議先入手新西既四百幾萬三房收租,亦應該用盡借貸、比少D首期。

 

當然如出租樓借超過五成是不合規的,所以在課程已加入了如何規範此事風險。當然如你想要既係:「零風險」,請唔好報名,留番機會比其他人。另外想回報倍升但冒險成份為零者亦請離開本頁,此舉說穿了就是貪心。至於讀者二百萬現金、宜在今年先入手一間,等市跌再入對無產者不合適。

 

最後提倡投資樓唔需要四小龍、筆者得罪都要講句此屋苑有點「兩頸唔到岸」、更在早前用「假豪宅」黎形容。真豪宅係何文田、西半山,而別墅係山頂。當然由於美孚太卧虎藏龍,樓價始終好堅挺。要跌較慢、可是新水未必like美孚! 筆者見識係美孚街市你撞到個買魚既阿伯、絕有可能退休前係為一間國企既GM、到星期五更會去銀行打幾百萬本票預備weekend睇樓。朋友,你知道睇咩樓要袋幾百萬先有得入場嗎?

 

有錢既人、真係好有錢。窮人唔明白點解D樓升得咁貴、因為窮人通常唔同有錢人打交道。筆者文章充斥歧視及階級化、主因是要解構香港呢個鬼地方!












本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室