歐美債券收息看法

諗Sir,

恭喜發財 , 想請教你, 我在10.56買入左德盛XXXXXXX 再倍大 , 近期銀行叫我將部份或全部轉入歐洲債券(XX歐洲高收益基金) 請問歐洲巿場是否值得買入??

如值得應該加碼買入還是將手頭上的德盛XXXXXXX 轉入歐洲巿場?? 

 

答案

有讀者持有債券基金,每月收取超過7%的年息,現在有人勸說沽出美國企業債的基金,轉投歐洲企業債的懷抱。是否應作此事?

 

「月入九萬剩四萬」個案看法

那段新聞:

http://www.skypost.hk/newsDetail/headline?headline=36%E6%AD%B2%E4%B8%AD%E7%94%A2+%E8%B3%BA9%E8%90%AC%E5%84%B24%E8%90%AC&date=20140212

首先企業債是不同美國國債,更不同香港的外匯基金債券,風險對比上較高。在過去幾年買債收息是賺股又賺價,原因在美國QE後美聯儲靠買債將資金放在資金池,再透過貼現窗將資金拆借比銀行,銀行只用約0.25%就借到大量資金,再將其投放於各地股債樓市,當中息差就養起了美國五年(2008-2013)。更有不少金融業界人仕在年內賺到一生財富。其實錢財根本是個數字遊戲,當你發現了方法而趁未多人知時重複運用技巧,不好說報紙尋日講可以「三年內賺到六十萬再發揚光大」,其實三個月內做完絕有可能。

 

以上當然不是說筆者,不過如大家2003年後已投身社會,把握自由行帶來的第一浸財富,2007年前賺得十桶金絕不是天方夜譚。就當筆者之前從事的行業,金融海嘯前「懶同事」稅單收入一百萬,而我個客連上網就咁交稅都交唔到(如明白,恭喜你)! 勤力識諗既師兄每年將儲起既錢至少買一間河畔(記憶中當時河畔一百八十幾萬,我幫手批貸的。而當時一間銀湖天峰只係1.8間河畔,係我老點左佢買河畔唔好買新樓的),再加上當時係比一成首期都可將樓合規出租(留意金管規則因市祝而變的),淨係呢幾條你已知一個現在三十餘歲的後生仔,只要26歲時入對行及將儲到既錢買入資產,而立之年過後手持淨資產10M唔出奇。

 

當然筆者入行遲。2007年前只是低級經理,所以上述講既事情只部份地發生在我身上。就好似2007年個市旺個陣,正印經理收客人一萬蚊利事根本多到唔想提(留意$1000以上唔申報係犯規的),四點忙完AASTOCK先會開始處理公司事務(當時恆指30000點)。那現時為什麼大家將一個30餘歲的人貼哂堂講完又講打擾人家呢? 真富貴根本唔想人知,假富貴才每日張揚。當然筆者不是說報紙上的那位,他肯和大家分享自己的理財實況,己很難能可貴了。筆者當時一班師兄,可能係你今日係新鴻基見到既一個扮傻炒股佬、又或者識左貴客離開銀行去上市公司做野搵真銀,亦有人自己開公司,但係下午三點幾先叫司機接佢返公司個種! 其實社會上是有著呢一班「真中產」,亦知方法點去維持自己月入,只不知唔想張揚。

 

好啦係講返讀者,用債券基金去收息到2014要留心,已經嬴左三年,今年去留在於聯儲局怎樣去處理手上經濟殘局。如果美國加息收水,其實在2013年6月已行預演,10年期美國國債孽息到8月率升至3.0%,跟手伯南克咪走出黎同大家講:「SORRY,玩下者….」如美國現時咩都唔做等於放水,因為美國每月都回購緊七百幾億國債。市場應看後者而非前者,可見下圖歐債走向。

 

小市民宜見步行步,2014宜守不宜攻

歐洲高收益債明顯有資金流入,而美國債券資金流出,解讀是市場沽美企債而入手歐債。應否分注入手歐債? 可以。因為資金不只在美債流出、美股都係!

bond 

由於今天是奧巴馬離任前三年,即「做野年」,有咩佢都要今年起手做,政經較大機會作變,小市民宜見步行步,宜守不宜攻。今天發生咩野真係估唔到,筆者可遇明是如日本加俄羅斯可以攪到奧巴馬頭都大而唔行收水之策,大家仲可以玩埋2014-2015年。中日俄在遠東三國鼎立,在冬奧見美國已向俄羅斯發出玩野signal,今天奧巴馬剛定下了本年4月出訪日本,那時日本剛完成第一波消費稅改革大手術,故事點走落去要等那時才有分曉。

 

有人同你介紹歐洲債券基金可能是因為上年回報比手上的德盛xxx基金好,留意原因主要是因為基金內的歐洲債券用歐羅計價所以升了,而不是內含債券升幅拋離美債。筆者只不過鑑於西班牙國債孳息回穩,歐豬危機已告一段落,所以如美歐兩選,歐洲可以更佳。今年宜少持股票、持現金及穩當收息為上。

*諗sir網台節目: 以「搵錢快」為名每星期播出!!

 









本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室