打從六號仔由「港燈控股」改名為「電能實業」，已經預示咗呢間公司已經出現了結構性的改變。
金融／資源類股太受環球經濟影響，呢個sector 都係傳統的基金／散戶鍾意的sector，係咁多不明朗因素下好難睇得通，睇唔通的合理做法，就係唔買或者俾一個低P/E去買，故此金融/資源類相信有一段時間都無乜運行。地產類，P/E看似低，資產有大折讓，但地產已成為政治市，政府一個政策就玩完，風險相當高。 以前公用股股價穩定，係因為利潤管制協議，盈利同資產掛勾，再加上有大量土地儲備，可以用來起樓。呢兩個因素，已經日漸退色，兩電的准許利潤已經下降到單位數字，而港燈的發電機組已經搬到去南丫島，已經是搬無可搬。 六號仔係子公司，好處係業務簡單，理論上估值可去得高d，但唔好既就係香港區業務基本難再有增長，即係個平均增長度會低啲。
所以六號仔同阿媽長建一齊到海外收購，令到海外業務大增，香港業務只佔一部份，漸漸地兩間公司的業務越來越近似。一次業務重組在所難免。 兩年前我估計係用國際電網concept + 新型能源（可能投資幾個環保發電project）做包裝，分拆海外業務獨立上市cap 水。呢次重組就更絕：將低增長業務甩出來，成立信託基金。呢一招已經在貨櫃碼頭用過，八號仔亦都分拆了香港電訊。
難聽一點講，就係上市賣套一筆現，然後就年年收現金流，即使業務增長慢，由附屬公司變為持有信託，只是以股息入賬。這個模式，其實只是李嘉誠當年模式的加強版，運用適當的財技，利用少量自有資金，運用強大的負債，就可做成一個大項目，但又不必併入負債，降低了負債比率，這就能使融資數目增大，可以買比自己實力更大的東西，使公司看來可穩健增長，負債又不必太重。 如果業務持續增長，就增持到50%以上，變為附屬公司入賬；如果進入低增長期，就賣到50%以下，變為聯營公司；家下時絕到基本上纜已斬，現已套，息要年年派。
而長建和電能可以有更多現金進行海外併購，又或者電能向長建購入能源業務，以便將分拆多出來的現金上繳母公司，甚至由電能實業向爺公司和黃收購赫斯基能源，也不用感到奇怪。 畢竟，長和系已經變身為巴郡，資金調配才是公司的主要業務，以李超人的財技級數，才不在乎業務在香港內地，還是歐洲英國！
BY笨發
以上提供資訊僅供參考，不應視為任何投資之建議或邀請，投資涉及風險，應先考慮個人因素，如有疑問請諮詢專業意見。
想知多D？不如睇埋： 股市分析(3)：恆生指數大方向
股市分析(8)：各地股市論牛熊 (1)內地、香港
股市分析(10)：各地股市論牛熊 (2)美國、日本、印度
股市分析(12)：殼股入門投機攻略